„ნაცმოძრაობის” ზუგდიდის მაჟორიტარობის კანდიდატი მალხაზ ჯალაღონია მიიჩნევს, რომ ხელისუფლება კოვიდ 19-ის ე.წ მეორე ტალღას მოუმზადებლად შეხვდა
,,ერთიანი ნაციონალური მოძრაობის” ზუგდიდის მაჟორიტარი დეპუტატობის კანდიდატი, ექიმი მალხაზ ჯალაღონია მიიჩნევს, რომ ხელისუფლება კოვიდ 19-ის ე.წ. მეორე ტალღას მოუმზადებლად შეხვდა.
მისივე თქმით, არაა გამორიცხული ინფიცირებულთა რიცხვი კიდევ უფრო გაიზარდოს, რასაც ჯანდაცვის სისტემის სრული კოლაფსი მოჰყვება.
,,ეს დრო, ეს რამდენიმე თვე იმისთვის მაინც უნდა გამოეყენებინათ, რომ მეორე ტალღისთვის ყოფილიყვნენ მზად. თუმცა, როგორც აღმოჩნდა მზადყოფნა არ აქვთ, კლინიკები გადაჭედილია. მილიონობით ლარი არის დახარჯული სხვადასხვა ღონისძიებებზე, რომელიც არ აღმოჩნდა ეფექტური. სამწუხაროდ, შემდგომში ალბათ მოხდება ამ შემთხვევების ზრდა და ჩვენი ჯანდაცვის სისტემა აღმოჩნდება სრული კოლაფსის წინაშე”, - აცხადებს მალხაზ ჯალაღონია.
