ფრონტის ხაზზე ბრძოლა მთელი ღამის განმავლობაში გრძელდებოდა, - ამის შესახებ ინფორმაციას აზერბაიჯანული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, აზერბაიჯანულმა ძალებმა საბრძოლო ოპერაციები სხვადასხვა მიმართულებით განახორციელეს.
„გუშინ მტრის წინააღმდეგ გახსნილი საარტილერიო ცეცხლის შედეგად მე -5 პოლკის თავდაცვის რაიონის სადამკვირვებლო პუნქტი განადგურდა. დაღუპულებისა და დაშავებულების რაოდენობა ბევრია,“- აცხადებენ აზერბაიჯანის თავდაცვის უწყებაში.
მათივე ინფორმაციით, აზერბაიჯანულმა ძალებმა სომხეთის ერთი ტანკი და სამი ქვემეხი გაანადგურეს.