ჯანდაცვის მინისტრის ეკატერინე ტიკარაძის განცხადებით, ის ჯერჯერობით არ ფლობს ზუსტ ინფორმაციას, დაუდასტურდა თუ არა ჯანდაცვის სამინისტროს თანამშრომელს კორონავირუსი. როგორც მან დღევანდელ ბრიფინგზე განაცხადა, ასეთი ფაქტის შემთხვევაში, ეს პირველი შემთხვევა არ იქნება.
„ეს ინფორმაცია ჩემთვის ამ მომენტისთვის ცნობილი არ არის. თუმცა, ეს პირველი შემთხვევა არ არის. ჩვენ ყველა იმ პროტოკოლით ვხელმძღვანელობთ, რომელიც ჩვენი ეპიდემიოლოგების მხრიდან არის მოწოდებული. დადასტურების შემთხვევაში, როგორც წესი თანამშრომლები გადადიან თვითიზოლაციაში და განყოფილებაში, სადაც ფაქტი დასტურდება, ხდება მისი დეზინფექცია შესაბამისი წესების დაცვის და თანამშრომლების იზოლაცია“,-განაცხადა ტიკარაძემ.
ცნობისთვის, გავრცელებული ინფორმაციით, ჯანდაცვის სამინისტროს თანამშრომელს კორონავირუსი დაუდასტურდა.