გიორგი ტყემალაძე - ვარკეთილის მეურნეობის დასახლებაში კიდევ ერთი მნიშვნელოვანი პროექტი განხორციელდა

თბილისში, ვარკეთილის მეურნეობის დასახლებაში ჭიდაობის დარბაზი გაიხსნა. ამის შესახებ „ინტერპრესნიუსს“ თბილისის საკრებულოდან აცნობეს.

მათივე ცნობით, დარბაზი თბილისის საკრებულოს თავმჯდომარემ და სამგორის მაჟორიტარმა გიორგი ტყემალაძემ, დედაქალაქის მერთან, კახა კალაძესთან ერთად დაათვალიერა. ვარკეთილის მეურნეობის დასახლებაში არსებული ძველი, ამორტიზებული შენობის რეკონსტრუქცია და რეაბილიტაცია განხორციელდა. პროექტის ფარგლებში მოეწყო ჭიდაობის, ტანვარჯიშისა და ფიტნეს დარბაზი.

როგორც თბილისის საკრებულოს თავმჯდომარემ გიორგი ტყემალაძემ განაცხადა, ახალგაზრდებში ჯანსაღი ცხოვრების წესის პოპულარიზაცია ხელისუფლების ერთ-ერთი პრიორიტეტია. მისივე თქმით, შენობა, რომელიც ამორტიზებული იყო, თანამედროვე,მაღალი სტანდარტების შესაბამის სპორტულ კომპლექსად გარდაიქმნა.

„კიდევ ერთი მნიშვნელოვანი პროექტი განხორციელდა, კონკრეტულად ვარკეთილის მეურნეობის დასახლებაში. ეს შენობა ძალიან მძიმე მდგომარეობაში იყო. ჩვენ ყველანი ვხედავთ, როგორი ხარისხიანი სამუშაოები ჩატარდა. ვარკეთილის მეურნეობის დასახლებას და ადგილობრივ მოსახლეობას ძალიან მაღალი დონის საჭიდაო დარბაზი აქვს, აქ იქნება როგორც ფიტნესი, ასევე ტანვარჯიშის წრე.

მე მინდა მივულოცო ადგილობრივ მოსახლეობას, ეს გახლდათ მათი დიდი სურვილი. ჯანსაღი ცხოვრების წესის პოპულარიზაცია და ხელშეწყობა არის ჩვენი ერთ-ერთი მთავარი პრიორიტეტი. მადლობა მინდა გადავუხადო თბილისის მერიის შესაბამის სამსახურებს და შემსრულებლებს ჩატარებული სამუშაოსთვის,“- განაცხადა გიორგი ტყემალაძემ.

ღონისძიებას თბილისის მერის მოადგილე ანდრია ბასილაია, კულტურის, განათლების, სპორტისა და ახალგაზრდულ საქმეთა საქალაქო სამსახურის უფროსი ირაკლი გვილავა, თბილისის საკრებულოს წევრები, სამგორის რაიონის გამგებელი და ადგილობრივი მოსახლეობა დაესწრნენ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა