თეა ახვლედიანი დავით გარეჯის საკითხზე - განვაგრძობთ პროცესს არგუმენტებზე და ისტორიულ ფაქტებზე დაყრდნობით
ჩვენ განვაგრძობთ ამ პროცესს არგუმენტებზე და ისტორიულ ფაქტებზე დაყრდნობით. ამ პროცესში ჩართული არიან ექსპერტები, - განაცხადა შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა თეა ახვლედიანმა დავით გარეჯის საკითხზე დასმულ კითხვასთან დაკავშირებით.
მინისტრმა ჟურნალისტებთან საუბრისას აღნიშნა, რომ ყოველი სახელმწიფო ბუნებრივია ცდილობს თავისი ეროვნული ინტერესებიდან გამომდინარე გადაჭრას ამგვარი თემები.
„ამდენად ჩვენ განვაგრძობთ ამ პროცესს არგუმენტებზე და ისტორიულ ფაქტებზე დაყრდნობით. ამ პროცესში ჩართული არიან ექსპერტები, რომლებსაც მიაჩნიათ, რომ დოკუმენტურ მასალას აქვს გადამწყვეტი მნიშვნელობა", - განაცხადა მინისტრმა.
ცნობისთვის, გენერალური პროკურატურის საგამოძიებო ნაწილში სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით გამოძიება დაიწყო.
7 ოქტომბერს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.
პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემული რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.
v-if="article.gallery" v-html="article.gallery"
