საქართველოს გენერალური პროკურორის მოადგილემ  ადამიანის უფლებათა დამცველების შესახებ სახალხო დამცველის მიერ ორგანიზებულ ონლაინ შეხვედრაში მიიღო მონაწილეობა

საქართველოს გენერალური პროკურორის მოადგილემ ნათია მერებაშვილმა და ადამიანის უფლებათა დაცვის სამმართველოს წარმომადგენლებმა, საქართველოს სახალხო დამცველის ორგანიზებით გამართულ ადამიანის უფლებათა დამცველების შესახებ ონლაინ შეხვედრაში მიიღეს მონაწილეობა. ამის შესახებ „ინტერპრესნიუსს“ პროკურატურიდან აცნობეს.

მათი ინფორმაციით, შეხვედრის ფარგლებში ადამიანის უფლებათა დამცველების წინაშე არსებული გამოწვევები, ასევე აღნიშნული მიმართულებით საქართველოს პროკურატურის მიერ განხორციელებული ღონისძიებები განიხილეს.

„როგორც ნათია მერებაშვილმა განაცხადა, უფლებადამცველების როლი მნიშვნელოვანია ადამიანის უფლებათა დაცვის და კანონის უზენაესობის უზრუნველსაყოფად. განსაკუთრებით მაღალი რისკის ქვეშ ექცევიან ქალთა და ლგბტ+ თემის წარმომადგენელთა უფლებადამცველები, რადგან მათი საქმიანობა საზოგადოებაში დამკვიდრებული სტერეოტიპების შეცვლისკენ მიმართულ მუშაობას გულისხმობს.

2020 წელს, საქართველოს გენერალური პროკურატურის ადამიანის უფლებათა დაცვის სამმართველოში პროკურორებისთვის და პროკურატურის გამომძიებლებისთვის, უფლებადამცველთა მიმართ ჩადენილი დანაშაულების ეფექტიანი გამოძიებისა და საპროცესო ხელმძღვანელობის შესახებ რეკომენდაციის შემუშავება დაიწყო, რომლის პროცესში უფლებადამცველების მიმართ ჩადენილი დანაშაულების გამოძიების საერთაშორისო სტანდარტები იქნა გაზიარებული. რეკომენდაცია ისეთ საკითხებს შეეხება, როგორიცაა უფლებადამცველთა მიმართ ჩადენილი დანაშაულის კვალიფიკაცია, უფლებადამცველის დეფინიცია და სპეციალური ტერმინოლოგია, ეფექტიანი გამოძიების წარმოება და მტკიცებულებათა შეგროვება. აღნიშნული რეკომენდაცია პროკურატურის სისტემაში ოქტომბერში გავრცელდა და მასში ყურადღება ეთმობა მოწმისა და დაზარალებულის კოორდინატორის როლს, პრიორიტეტულად და პროაქტიულად მათ ჩართულობას და ზოგადად, უფლებადამცველი დაზარალებულების განსაკუთრებული საჭიროებების გათვალისწინებას, მათთვის დაცვის სპეციალური ღონისძიებების განხორციელებას.

საქართველოს გენერალური პროკურატურის ადამიანის უფლებათა დაცვის სამმართველო 2018 წლიდან აწარმოებს სპეციალურ სტატისტიკას უფლებადამცველთა მიმართ ჩადენილ დანაშაულებზე სისხლისსამართლებრივი დევნის დაწყების შესახებ. მითითებული რეკომენდაციის შემდეგ, სისხლის სამართლის საქმეებში გაიზრდება უფლებადამცველთა იდენტიფიცირების მიზნით განხორციელებულ ღონისძიებათა ხარისხი, ეფექტიანობა, აღნიშნული კატეგორიის საქმეების აღრიცხვა და მონიტორინგი“,-აღნიშნულია ინფორმაციაში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება
პირველად საქართველოში: „შატო მუხრანი“ მსოფლიოს 100 საუკეთესო ვენახს შორის 58-ე ადგილს იკავებს