გერმანიაში ზელიმხან ხანგოშვილის საქმეზე დაწყებულ სასამართლო პროცესს რუსეთი დადგმულს უწოდებს

მოსკოვი მზადაა დახმარება აღმოუჩინოს ბერლინს საქართველოს მოქალაქის ზელიმხან ხანგოშვილის მკვლელობის საქმეში, გერმანიის მხრიდან პროცესის პოლიტიზების მიუხედავად. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.

„ყალიბდება აზრი, რომ ბერლინში მიღებულია გარკვეული პოლიტიკური გადაწყვეტილება განაჩენთან დაკავშირებით, რომელსაც გერმანიის სასამართლო რუსეთის მოქალაქე სოკოლოვს გამოუტანს, 2019 წელს ჩრდილო კავკასიაში ტერორისტთა ერთ-ერთი მეთაურის, შამილ ბასაევის თანამებრძოლის - ზელიმხან ხანგოშვილის მკვლელობასთან დაკავშირებით. საქმეში, რა თქმა უნდა, გულუბრყვილობა იქნებოდა გერმანიის იუსტიციის ობიექტურობაზე, დამოუკიდებლობაზე იმედის დამყარება“ , - განაცხადა ზახაროვამ.

მისი თქმით, ამ დადგმულ პროცესზე ყველა როლი წინასწარ განაწილებულია.

„არ ჩნდება ეჭვი, რომ დაწყებულ სასამართლო მოსმენებზე ხანგოშვილზე თავდასხმის ბრალდება მიეწერება, როგორც უკვე პროცესებზე ითქვა, რუსეთის სახელმწიფო სტრუქტურებს. იმის შესახებ, რომ საქმე თავიდანვე პოლიტიკურია, ერთმნიშვნელოვნად დასტურდება გერმანიის ხელისუფლების გადაწყვეტილებით, 2019 წლის დეკემბერში ბერლინში რუსეთის საელჩოს ორი თანამშრომლის გაძევების შესახებ“ , - განაცხადა ზახაროვამ.

ბერლინში ოთხშაბათს დაიწყო სასამართლო პროცესი 2019 წლის აგვისტოში საქართველოს მოქალაქის ზელიმხან ხანგოშვილის მკვლელობის საქმეზე. ბრალდებული რუსეთის მოქალაქე - ვადიმ სოკოლოვია.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია