„ჯორჯიან მანგანეზის“ მხარდაჭერით, სოფელ დარკვეთში ფეხბურთის სტადიონი მოეწყო

„ჯორჯიან მანგანეზის“ მხარდაჭერით, ჭიათურის მუნიციპალიტეტის სოფელ დარკვეთში ფეხბურთის სტადიონი მოეწყო. როგორც „ინტერპრესნიუსს“„ჯორჯიან მანგანეზიდან“ აცნობეს, მოსახლეობის თხოვნის საფუძველზე, მინდორი, რომელსაც მოსახლეობა ფეხბურთის სათამაშოდ იყენებდა, მოსწორდა, ტერიტორია შემოიღობა, დამონტაჟდა გარეგანათება და მოეწყო საგულშემატკივრო სივრცე.

სტადიონის გახსნასთან დაკავშირებით, პირველი ამხანაგური მატჩი დარკვეთის მოსახლეობასა და დარკვეთის მაღაროს თანამშრომლებს შორის გაიმართა.

„თამაში თანაბარი უპირატესობით წარიმართა, შესაბამისად, მატჩის ძირითადი დრო ფრედ, 2:2 დასრულდა. პენლების სერიის შემდეგ, გამარჯვება დარკვეთის მოსახლეობის გუნდს ერგო.

საუკეთესო მოთამაშეებად გიორგი ღუღუნიშვილი, პანო კეჩეჩიდი, ნიკოლოზ ნოზაძე, ლევან თაბაგარი და დავით ღუღუნიშვილი დასახელდნენ, რომლებსაც სამახსოვრო სიგელები გადაეცათ.

აღსანიშნავია, რომ დარკვეთის სტადიონის გარდა, წელს, „ჯორჯიან მანგანეზის“ დაფინანსებით, ჭიათურაში სხვა სარეკრეაციო და სპორტული სივრცეებიც კეთილმოეწყო. რეაბილიტაცია-რეკონსტრუქცია ჩაუტარდა „25“-ის საფეხბურთო სტადიონს, ასევე, ჭავჭავაძის ქუჩაზე, ცენტრალური დამყვანი ფაბრიკის (ცდფ) მიმდებარე ტერიტორიაზე, აშენდა ღია საკალათბურთო მოედანი. ამ ეტაპზე სოფელ ითხვისში დამატებით კიდევ ერთი სტადიონის მშენებლობა მიმდინარეობს“, - ნათქვამია ინფორმაციაში.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა