რუსეთის ქალაქ ხაბაროვსკში ანტისამთავრობო აქციის დაშლისას პოლიციამ 25 ადამიანი დააკავა, - ამის შესახებ ინფორმაციას Reuters-ი ავრცელებს. სააგენტოს ინფორმაციით, სამართალდამცავებმა დაკავებები მას შემდეგ დაიწყეს, რაც დაკავებული გუბერნატორის, სერგეი ფურგალის მხარდამჭერებმა ქალაქის ცენტრში კარვების გაშლა დააპირეს.

ხაბაროვსკში ბოლო სამი თვეა, რუსეთის პრეზიდენტის, ვლადიმერ პუტინის საწინააღმდეგო აქციები მიმდინარეობს. დემონსტრანტები რეგიონის გუბერნატორის, სერგეი ფურგალის დაკავებას აპროტესტებენ.

სერგეი ფურგალი 9 ივლისს დააკავეს. მას მკვლელობის ორგანიზებაში სდებენ ბრალს. დაკავებული ბრალდებებს უარყოფს.