სომხეთის პროვოკაციის შედეგად დაღუპულია 41 და დაშავებულია 207 მშვიდობიანი მოქალაქე, - ამის შესახებ ინფორმაციას აზერბაიჯანული მედია ქვეყნის გენერალურ პროკურატურაზე დაყრდნობით ავრცელებს.
მათივე ინფორმაციით, 27 სექტემბრიდან დღემდე 148 სამოქალაქო ობიექტი, 1185 სახლი და 57 მრავალსართულიანი შენობა სერიოზულადაა დაზიანებული.
შეგახსენებთ, მთიან ყარაბაღში ცეცხლის შეწყვეტის შესახებ შეთანხმება, რომელსაც სომხეთისა და აზერბაიჯანის საგარეო საქმეთა მინისტრებმა მოსკოვში მიაღწიეს, 10 ოქტომბრის 12:00 საათიდან მოქმედებს, თუმცა ცეცხლის შეწყვეტის გამოცხადებიდან რამდენიმე საათში მხარეებმა მის დარღვევაში ერთმანეთის დადანაშაულება დაიწყეს.