ამირან გამყრელიძე - ადამიანებს, ვინც დღეს ტაძრებში მიდიან, მოვუწოდებ, რომ პირბადით შევიდნენ - ჩვენ გვაქვს რამდენიმე ტაძარში ინფექციის გავრცელების შემთხვევები

დაავადებათა კონტროლის ეროვნული ცენტრის ხელმძღვანელი ამირან გამყრელიძე მოქალაქეებს რომლებიც დღეს ტაძარში მიდიან მოუწოდებს, პირბადე გამოიყენონ. მისივე თქმით, ტაძარში ინფექციის გავრცელების რამდენიმე შემთხვევა დაფიქსირდა.

რაც შეეხება ღია სივრცეში პირბადის ტარებას, ამირან გამყრელიძე ამბობს, რომ აქაც მათი მოწოდებაა პირბადის გამოყენება, თუმცა, ეს სავალდებულო ვერ გახდება და ადამიანებს ვერ დააჯარიმებენ ღია სივრცეში.

„ყოველთვის ვარ რაღაც ბალანსის მომხრე, სავალდებულო იმას ნიშნავს, რომ გარეთაც ადამიანი უნდა დააჯარიმო, ამას აკეთებს ზოგიერთი ქვეყანა, მაგრამ ჩვენ ამას ვერ შევძლებთ, გარეთ ადამიანს ვერ დავაჯარიმებთ, მხოლოდ მოვუწოდებთ, ანუ შოლტის პრინციპი არ უნდა მუშაობდეს ყოველთვის, თვითშეგნებაა ჩვენი და როცა გეუბნებით, რომ გვაქვს ზრდა და ამ ეტაპზე ამ ზრდის შემცირება შეუძლია პირბადეს, მოდი, გამოვიყენოთ ყველამ პირბადე. დღეს დიდი დღესასწაულია სვეტიცხოვლობა, ადამიანებს ვინც დღეს ტაძრებში მიდიან, მოვუწოდებ, რომ პირბადით შევიდნენ ტაძრებში და იყვნენ ტაძარში პირბადით,“- აცხადებს ამირან გამყრელიძე.

კითხვაზე, ხშირ შემთხვევაში ტაძარში დაცული არ არის დისტანცია და ეს რამდენად უწყობს ხელს ინფექციის გავრცელებას, გამყრელიძე პასუხობს -„უნდა იყოს დაცული, უწყობს ხელს“.

„არ დავასახელებ, თუმცა, იცით, რომ ჩვენ უკვე გვაქვს შემთხვევები რამოდენიმე ტაძარში ინფექციის გავრცელების,“- განაცხადა გამყრელიძემ.

იხილეთ ვიდეო: ამირან გამყრელიძის ინფორმაციით, ტაძარში ინფექციის გავრცელების რამდენიმე შემთვევა არსებობს

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს