პრემიერი - მსხვილ ქალაქებში ბევრი არასაჭირო მობილობაა - მაინც არის დაბადების დღეები და სარიტუალო ღონისძიებები, რაღაც პერიოდი თავი უნდა შევიკავოთ

პრემიერ-მინისტრის გიორგი გახარიას განცხადებით, საქართველოს მოქალაქეები მოდუნდნენ, პანდემიიდან გამომდინარე მსხვილ ქალაქებში არასაჭირო მობილობაა.

როგორც პრემიერმა მთავრობის სხდომის დასრულებისას განაცხადა, აკრძალვის მიუხედავად ქვეყანაში სარიტუალო ღონისძიებები მაინც ტარდება.

„სამწუხაროდ, ბოლო პერიოდში მოვდუნდით, ეს ქალაქშიც გვეტყობა, ჩვენ მოქალაქეებსაც ეტყობათ. სამწუხაროდ, ბევრი არასაჭირო მობილობაა, განსაკუთრებით მსხვილ ქალაქებში. მაინც არის დაბადების დღეები და სარიტუალო ღონისძიებები. რაღაც პერიოდი თავი უნდა შევიკავოთ“, -განაცხადა გიორგი გახარიამ.

პრემიერის თქმით, საქართველოს ეკონომიკის მაჩვენებელი რეგიონის სხვა ქვეყნებთან შედარებით კარგია.

„ძირითადი ამოსავალი წერტილი, როდესაც ტაქტიკას ან გადაწყვეტილებას ვირჩევთ ვირუსთან ბრძოლაში, ეკონომიკაა. ამოსავალი წერტილია ორი განზომილება - ადამიანის სიცოცხლე და ეკონომიკა.

კორონავირუსის პირველი ტალღისას ყველა ნაბიჯი, მათ შორის, მძიმე ჩაკეტვები ეკონომიკის ინტერესებიდან გამომდინარე იყო.

ყველას ხომ კარგად გვახსოვს, მაშინაც რამდენი საუბარი იყო, დღეს კი შეხედეთ საქართველოს ეკონომიკის მაჩვენებელს. ბევრად უფრო უკეთესად არის, უკეთეს ფორმაშია, ვიდრე რეგიონის სხვა ქვეყნების. რატომ? იმიტომ, რომ ჩვენ მაშინ შევძელით ქვეყნის მძიმე, სამწუხარო ჩაკეტვით ვირუსის სწრაფი გავრცელება და ჯანდაცვის სისტემის კოლაფსი თავიდან აგვერიდებინა“,-განაცხადა პრემიერმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს