ირანის საგარეო საქმეთა სამინისტროს პრესსპიკერი საედ ხატიბზადე ირანის სასაზღვრო რაიონებში მთიანი ყარაბაღის კონფლიქტის ზონიდან რამდენიმე რაკეტის ჩამოვარდნის ფაქტს გმობს და აცხადებს, რომ განმეორების შემთხვევაში, ირანი ამ მდგომარეობის მიმართ გულგრილი არ დარჩება, - ამის შესახებ ინფორმაციას ირანული მედია ავრცელებს.
„სასაზღვრო რაიონებში მცხოვრები ირანის მოქალაქეების უსაფრთხოებისა და მშვიდობის შენარჩუნება ჩვენი შეიარაღებული ძალებისთვის „წითელ ხაზს“ წარმოადგენს და საარტილერიო დაბომბვის გამეორების შემთხვევაში, ირანის ისლამური რესპუბლიკა გულგრილი არ დარჩება,“- განაცხადა საედ ხატიბზადემ.
