აზერბაიჯანში კორონავირუსთან დაკავშირებით შეზღუდვები წესდება

აზერბაიჯანში კორონავირუსის შემთხვევების ზრდის გამო ხელისუფლებამ შეზღუდვების დაწესების გადაწყვეტილება მიიღო, - ამის შესახებ ინფორმაციას აზერბაიჯანული მედია ავრცელებს.

მათივე ინფორმაციით, შეზღუდვების ფარგლებში 19 ოქტომბრის 00:00 საათიდან 2 ნოემბრის 06:00 საათამდე მუშაობას შეწყვეტს ბაქოს მეტრო, 19 ოქტომბრიდან 2 ნოემბრამდე ქვეყნის ყველა საგანმანათლებლო დაწესებულებაში არდადეგები ცხადდება, 65 წელს გადაცილებულ და მაღალი რისკის ჯგუფში შემავალ სხვა პირებს რეკომენდაცია ეძლევათ, საცხოვრებელი ადგილები მხოლოდ აუცილებლობის შემთხვევაში დატოვონ.

გარდა ამისა, სამთავრობო ორგანიზაციებში თანამშრომლების რაოდენობა 30 პროცენტამდე მცირდება, დანარჩენები კი დისტანციურ რეჟიმში განაგრძობენ მუშაობას.

ცნობისათვის, აზერბაიჯანში, პანდემიის დაწყების დროიდან, კორონავირუსის 43 280 შემთხვევაა დადასტურებული, დაღუპულია 619 ადამიანი.

იხილეთ ვიდეო: აზერბაიჯანში კორონავირუსთან დაკავშირებით შეზღუდვები წესდება

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა