გიორგი ვაშაძე - ყველაფერში პასუხისმგებელია ხელისუფლება, ისინი ადამიანების სიცოცხლით მანიპულირებენ და არ აინტერესებთ, რომ დღეს 11 ადამიანი გარდაიცვალა

ამ ყველაფერში პასუხისმგებელი არის ხელისუფლება, ისინი ადამიანების სიცოცხლით მანიპულირებენ და არ აინტერესებთ, რომ დღეს 11 ადამიანი გარდაიცვალა, ერთადერთი რაც აინტერესებთ ხელისუფლების შენარჩუნებაა, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ კორონავირუსის სტატისტიკაზე საუბრისას განაცხადა.

მისივე თქმით, ქვეყანაში არასაკმარისი ტესტირება ტარდება და შესაძლოა ინფიცრებულების რეალური რიცხვი გაცილებით მეტი იყოს.

,,ნულოვანი გეგმა მცირე და საშუალო ბიზნესის დასახმარებლად, ნული დახმარება იმ ადამიანებს რომლებმაც სამუშაო ადგილი დაკარგეს და თვითონ მდიდრდებიან. არ მეგონა, რომ ექვსი თვის შემდეგ კიდევ მოგვიწევდა მასობრივ ტესტირებაზე საუბარი. ისინი გვიმტკიცებენ, რომ დიაგნოსტიკა და სწრაფი რეაგირება საჭირო არ არის, მზად არიან ყველაფრისთვის და ხალხი სასტუმროში იღუპება მათი უყურადღებობის გამო. ამ ყველაფერზე ჩვენ არაერთხელ გვაქვს გეგმა და სტრატეგია წარდგენილი, მაგრამ „შეაყარე კედელს ცერცვი“ .

ყველაზე დიდი პრობლემაა, რომ გამოვლენა არ ხდება. შეიძლება რეალური ციფრი იყოს გაცილებით მეტი. როდესაც შემთხვევები გაცილებით ნაკლები იყო 12 000 ტესტი ჩატარდა, ახლა ჩამოსულია ტესტირების რაოდენობა 3000-ზე, ვსვავ კითხვას რატომ შეამცირეს ტესტირების მაჩვენებელი?

კორონავირუსი დღეს უმართავია. ტესტების რაოდენობა მიუთითებს იმას, რომ ისინი მიზანმიმართულად არ აკეთებენ საკმარისი რაოდენობის ტესტებს, რომ რეალურად გავიგოთ რამდენი ადამიანი არის ინფიცირებული. ამ ყველაფერში პასუხისმგებელი არის ხელისუფლება, ისინი ადამიანების სიცოცხლით მანიპულირებენ და არ აინტერესებთ ის, რომ დღეს 11 ადამიანი გარდაიცვალა, ერთადერთი რაც აინტერესებთ ხელისუფლების შენარჩუნებაა“, - აღნიშნა გიორგი ვაშაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!