მედია - პირი, რომელმაც პარიზში პედაგოგი მოკლა, წარმოშობით ჩეჩენია

ფრანგული მედიის ინფორმაციით, 18 წლის ახალგაზრდა, რომელმაც პარიზში პედაგოგი მოკლა, წარმოშობით ჩეჩენია, - ამის შესახებ Reuters-ი წერს.

სააგენტოს ინფორმაციით, გამომძიებლები ცდილობენ დაადგინონ, თავდამსხმელი, რომელიც დაკავების დროს გაწეული წინააღმდეგობის დროს პოლიციამ მოკლა, მარტო მოქმედებდა, თუ თანამზრახველებთან ერთად.

Reuters-ი წერს, რომ ფრანგ სამართალდამცავებს პედაგოგის მკვლელობასთან დაკავშირებით 9 პირი ჰყავთ დაკავებული, აქედან 4 თავდამსხმელის ნათესავია. გარდა ამისა, დაკავებულებს შორის იმ კოლეჯის სტუდენტების მშობლებიც არიან, სადაც მოკლული პედაგოგი ასწავლიდა.

შეგახსენებთ, საფრანგეთში, პარიზის გარეუბანში, რამდენიმე საათის წინ მასწავლებელი მოკლეს, მას თავი მოჰკვეთეს. პოლიციის ინფორმაციით, თვითმხილველები აცხადებენ, რომ თავდამსხმელმა დაიყვირა : „ალაჰ აკბარ“. მსხვერპლი ადგილობრივი კოლეჯის ისტორიისა და გეოგრაფიის მასწავლებელი იყო. ფრანგული მედიის ცნობით, მასწავლებელი გაკვეთილზე გამოხატვის თავისუფლებაზე საუბრობდა წინასწარმეტყველი მუჰამედის კარიკატურასთან დაკავშირებით, რომლის ჟურნალ „შარლი ებდოში“ გამოქვეყნებას მუსულმანების მხრიდან პროტესტი მოჰყვა. საფრანგეთის პრეზიდენტმა ემანუელ მაკრონმა მკვლელობა "ისლამისტური ტერაქტად" შეაფასა.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)