გიორგი ვაშაძე - საბანკო სექტორმა კერძო მფლობელებისგან 229 მილიონი ლარის ქონება გადაიფორმა - მოვუწოდებ ხელისუფლებას და გვენეტაძეს, თავი გაანძრიეთ, გამოაცხადეთ მორატორიუმი

"სტრატეგია აღმაშენებლის" ლიდერის გიორგი ვაშაძის განცხადებით, ეკონომიკაში საბანკო სექტორმა 229 მლნ ლარის ქონება გადაიფორმა.

ვაშაძე ეროვნულ ბანკს მოუწოდებს, რომ დაუყოვნებლივ გამოცხადდეს მინიმუმ ექვს თვიანი მორატორიუმი ქონების გადაფორმებაზე და მოხდეს სესხის პროცენტის სუბსიდირება გამოყოფილი 5 მლრდ-დან.

"უმძიმესი ვითარება არის ქართულ ეკონომიკაში, 229 მლნ ლარის ქონება საბანკო სექტორმა გადაიფორმა საკუთარ თავზე კერძო მფლობელებისგან. 50 მლნ-ით მეტი, ვიდრე გასულ წელს და ეს მოიცავს იმ პერიოდს, როცა სესხების გადახდა ფაქტობრივად შეჩერებული იყო, სამი თვის შემდგომ 6 თვის მანძილზე ეს ყველაფერი გაჩერებული იყო. დღეს გაცილებით მძიმე მდგომარეობა არის და ამიტომ ეროვნულ ბანკს მოვუწოდებთ დაუყოვნებლივ გამოცხადდეს მინიმუმ ექვსთვიანი მორატორიუმი ქონების გადაფორმებაზე, სანამ კორონაკრიზისს არ გადალახავს ქვეყანა, მანამდე არ უნდა ხდებოდეს ქონების გადაფორმება და მეორე - სესხის პროცენტის სუბსიდირება გამოყოფილი 5 მლრდ-დან, ყველამ ვინც დაკარგა სამუშაო ადგილი, ყველა მცირე და საშუალო ბიზნესს, რომელიც ფაქტობრივად გაკოტრების პირასაა. წინააღმდეგ შემთხვევაში ჩვენ გვექნება უმძიმესი ვითარება, უბრალოდ ხალხი რჩება ქუჩაში, ამ ხალხს შველა უნდა და სად უნდა განვასახლოთ ეს ხალხი. ტოტალურად, მასიურად ხდება ამ ხალხი ქონებების გადაფორმება ბანკების, მიკროსაფინანსოების მხრიდან. 229 მილიონი ეს მხოლოდ და მხოლოდ საბანკო სექტორის ციფრია, გაცილებით დიდი ციფრია მიკროსაფინანსოების მიმართულებით, ამიტომ ხელისუფლებას მოვუწოდებ, პირველ რიგში ეროვნულ ბანკს და გვენეტაძეს თავი გაანძრიეთ - ნუ ხართ მონოპოლისტ ბანკთან ინტერესების დამცველები, ხომ შეიძლება ერთხელ მაინც დაიცვათ ხალხის ინტერესები, შეაჩერეთ გადაფორმების პროცესი, გამოაცხადეთ ექვსთვიანი მორატორიუმი, დავასუფსიდიროთ გამოყოფილი 5 მილიარდიდან სესხის პროცენტი ყველა იმ ადამიანისთვის, ვინც სესხის პროცენტს ვერ იხდის და ჩამოვაწეროთ სესხის პროცენტი პენსიონერებს, ამით ჩვენ შევძლებთ, რომ შევაჩეროთ ის ძალიან მძიმე ვითარება, რაც ქვეყანაშია, რომ ხალხი შიმშილთან ერთად ქუჩაშიც არ დარჩეს. 5 მილიარდიდან ფული მოიძებნა გახარიას და „ქართული ოცნების" მეგობრებისთვის, კაპიკი არ მოიძებნა მცირე და საშუალო ბიზნესისა და იმ ხალხისთვის, ვინც სამსახური დაკარგა. ეს უსამართლობაა, რადგან ეს 5 მილიარდი ამერიკამ და ევროპამ ხალხს მოგვცა იმისათვის, რომ ყველამ გამოიყენოს და არა იმისთვის, რომ მხოლოდ ფულის მკეთებელ „ქართული ოცნების" მეგობრებმა ეს ყველაფერი გამოიყენონ“, - განაცხადა გიორგი ვაშაძემ.

ვაშაძის განცხადებას "სტრატეგია აღმაშენებლის" პრესსამსახური ავრცელებს.

იხილეთ ვიდეო: "სტრატეგია აღმაშენებლის" ლიდერის გიორგი ვაშაძის თქმით, ეკონომიკაში საბანკო სექტორმა 229 მლნ ლარის ქონება გადაიფორმა

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"