„ევროპული საქართველოს“ ზუგდიდის მაჟორიტარობის კანდიდატის, გიგი უგულავას განცხადებით, მზადაა ზუგდიდში, ბანკში მყოფ მძევლებს ჩაენაცვლოს, - ამის შესახებ ინფორმაციას „ევროპული საქართველოს“ პრესსამსახური ავრცელებს.

„მე რამდენადაც ვიცი 3 მძევალია დარჩენილი და მზად ვარ ჩავენაცვლო მძევლებს, ვისაც როგორ უნდა ისე გაიგოს, მზად ვარ ჩავენაცვლო მძევლებს, თუ ამის შესაძლებლობა და ორმხრივი თანხმობა არის”, -აცხადებს უგულავა.

არსებული ინფორმაციით, ზუგდიდში „საქართველოს ბანკის“ ფილიალს თავს დაესხნენ.

როგორც ადგილზე მყოფი პირები აცხადებენ, თავდამსხმელებს შენობაში ბანკის თანამშრომლები ჰყავთ.

ადგილზე პოლიცია უკვე მუშაობს. ტერიტორია ყვითელი ლენტით არის შემოსაზღვრული.