„საქართველოს ბანკზე“ თავდასხმისთვის ძებნილი ბადრი ესებუას საქმის არსებითი განხილვა დაიწყო

„საქართველოს ბანკზე“ თავდასხმისთვის ძებნილი ბადრი ესებუას ბრალდების სისხლის სამართლის საქმეზე საამართლოში არსებითი განხილვები დღეს დაიწყო.

დღევანდელ სხდომაზე, რომელიც ზუგდიდის რაიონულ სასამართლოში გაიმართა, მხარეებმა შესავალი სიტყვები წარმოთქვეს, რის შემდეგაც, სასამართლო პროცესი გადაიდო.

ბადრი ესებუას ადვოკატის, იოსებ ჯანაშიას განცხადებით, სასმართლო ვადებში შეზღუდული არ არის, ვინაიდან, ბრალდებული ძებნაშია.

„დღეს გაიხსნა მთავარი სხდომა, ბრალდებისა და დაცვის მხარემ შესავალი სიტყვები თქვეს. ამის შემდეგ, მტკიცებულებების გამოკვლევაზე უნდა გადავსულიყავით, თუმცა, დღეს პროკურორს მოწმეები არ მოუყვანია, რადგან კიდევ სხვა პროცესები ჰქონდა. ამიტომ, სხდომა გაურკეველი დროით გადაიდო. რადგან ბრალდებული პირი ძებნილია და მას 9-თვიანი ვადა არ აქვს, შესაბამისად, სასამართლოს სხვა პრიორიტეტული საქმეებიც აქვს, ამიტომ მომდევნო სხდომის თარიღს სასამართლო შეგვატყობინებს“, - განაცხადა ჯანაშიამ.

ცნობისთვის, 21 ოქტომბერს, ზუგდიდში, „საქართველოს ბანკის“ ფილიალზე თავდასხმა მოხდა. აღნიშნულთან დაკავშირებით, ბრალი ბადრი ესებუას წარუდგინეს. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

იხილეთ ვიდეო:"საქართველოს ბანკზე" თავდასხმისთვის ძებნილი ბადრი ესებუას საქმის არსებითი განხილვა დაიწყო

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024