ზუგდიდში „საქართველოს ბანკზე“ თავდამსხმელმა კიდევ ორი მძევალი გაათავისუფლა. აღნიშნულის შესახებ ადგილიდან „ინტერპრესნიუსის“ კორესპონდენტი იუწყება.

„საქართველოს ბანკში“ ამ დრომდე რჩება მძევლების ნაწილი.

ცნობისთვის, რამდენიმე საათის წინ ზუგდიდში, "საქართველოს ბანკის" შენობაში ერთი პირი შეიჭრა და მძევლები აიყვანა.

შსს-ს ინფორმაციით, ქალაქ ზუგდიდში, ზვიად გამსახურდიას გამზირზე ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში დაახლოებით 14:21 საათზე შევიდა.

მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.