დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)

პარტია "პატრიოტთა ალიანსის" თავმჯდომარის, დავით თარხან-მოურავის განცხადებით, მხოლოდ იმიტომ, რომ მისი გუნდი სოხუმისა და ცხინვალის დასაბრუნებლად აუცილებლად მიიჩნევს რუსეთთან ლაპარაკსა და საერთო ენის გამონახვას, მათ რუსეთის აგენტებად აცხადებენ. ამას კი, სწორედ ის ადამიანები აკეთებენ, რომლებმაც ჩააბარეს კოდორი, ახალგორი, 155 სოფელი თუ დასახლებული პუნქტი და გაყიდეს დავით გარეჯი. მისი თქმით, რუსეთის აგენტები სწორედ სააკაშვილი და ბოკერია არიან, "პატრიოტთა ალიანსს" კი არც რაიმე დანაშაული ან მოღალატეობრივი ქმედება ჩაუდენია და არც ტერიტორიები გაუყიდია. დავით თარხან-მოურავი ხაზგაზმით აღნიშნავს, რომ მოლაპარაკებების წარმოება არ ნიშნავს რაიმე აგენტობას, პარტიის ლიდერების რუსეთის აგენტებად გამოცხადება კი ყოველგვარ აზრს მოკლებული ცრუ ბრალდებებია.

"ჩვენ ვცხოვრობთ საოცარ ქვეყანაში. მე არაფერი გამიყიდია, საიდუმლო ინფორმაციას არ ვფლობ და ვერ მივაწვდი რუსეთს. ტერიტორია არ გამიყიდია, არანაირი დანაშაული არ ჩამიდენია. მარტო იმიტომ, რომ ჩვენ ვამბობთ: რუსეთს უნდა ველაპარაკოთ, მოვძებნოთ საერთო ენა, რომ დავიბრუნოთ სოხუმი და ცხინვალი - მარტო ამიტომ მაცხადებს რუსეთის აგენტად ვინ?! ვინც ჩააბარა კოდორი, სადაც ერთი გასროლაც არ ყოფილა, ვინც ჩააბარა ახალგორი, ვინც 155 სოფელი თუ დასახლებული პუნქტი უბრალოდ გადასცა მოწინააღმდეგეს, ვინც გაყიდა დავით გარეჯი - ის ხალხი, რომელიც მართლა აგენტია! მარტო იმიტომ, რომ ჩვენ ვამბობთ: გვინდა მშვიდობა და გვინდა, მოვძებნოთ გამოსავალი, გვაცხადებს რუსეთის აგენტად! რაიმე მოღალატეობრივი ქმედება გვაქვს ჩვენ ჩადენილი?! ვინც ყველაფერი გაყიდა, ისაა პატრიოტი და ჩვენ მოღალატე?! ამაზე იფიქრეთ!" - განაცხადა დავით თარხან-მოურავმა.

https://www.youtube.com/watch?v=LT950e2jNF8

(R)

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს