დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)

"პატრიოტთა ალიანსის" თავმჯდომარემ დავით თარხან-მოურავმა ტელეკომპანია "ფორმულას" პირდაპირ ეთერში პარტიის მიერ ჩატარებულ 1 200 000-იან გამოკითხვაზე და მათ ხელთ არსებულ 900 000-ზე მეტ აუდიოჩანაწერზე ისაუბრა. დავით თარხან-მოურავმა აღნიშნა, რომ პარტიამ ფაქტობრივად აუდიო-არჩევნები ჩაატარა, 900 000 აუდიოჩანაწერი კი მეტყველებს იმაზე, რომ პარტიას არჩევნებზე მიმსვლელთა უდიდესი ნაწილი ჰყავს გამოკითხული. დავით თარხან-მოურავის თქმით, მათ ეს უტყუარი მტკიცებულებები ყველა საელჩოს, ეუთოს, ცესკოსა და პარლამენტის თავმჯდომარეს გადასცეს, უახლოეს დღეებში კი, ამ ჩანაწერებს ყველა სენატორი, კონგრესმენი და ევროდეპუტატი მიიღებს.

"ჩვენმა პარტიამ მასშტაბური ქმედება განახორციელა. ჩვენ ჩავწერეთ 900 000 აუდიოჩანაწერი - ეს არის ნახევარზე მეტი, ვიდრე ის ხალხი, ვინც მოდის არჩევნებზე. რა გვაჩვენა ამ აუდიო-არჩევნებმა - მარტ-აპრილში ჩვენ ვნახეთ, რომ "ქართული ოცნების" რეიტინგი იყო 11,16%, ჩვენი - 12,65%, ხოლო სააკაშვილის რეიტინგი იყო 3,4%. მაის-ივნისში, როცა იყო პანდემიასთან ბრძოლის აპოგეა, მაშინ ხელისუფლების რეიტინგი გაიზარდა და გახდა 13,01%, ჩვენი იყო 12,97%, ანუ 0,04%-ით გაგვისწრეს. ივლის-აგვისტოში ჩვენ ვუსწრებდით ხელისუფლებას, ჩვენ გვქონდა 15,74%, მათ - 13,52% და ბოლოს, მარტ-აპრილში - ეს 190 000 ჩანაწერია, მაის-ივნისში - ეს 201 000 ჩანაწერია, ივლის-აგვისტოში - ეს 210 000 ჩანაწერია და 300 000 აუდიოჩანაწერია სექტემბერ-ოქტომბრის 15 რიცხვამდე. ჩვენ გვაქვს 22,8%, 15,4% აქვს ხელისუფლებას, 2,5% აქვს სააკაშვილს და, რაც შეეხება ბოკერიას, მას აქვს 0,65%. ეს არის უტყუარი მტკიცებულება. არსებობს უამრავი პროგრამა, რომლითაც შეგიძლიათ, შეამოწმოთ, რომ ყველა ხმა, რომელიც აქ არის, ერთმანეთისგან განსხვავდება, ანუ ეკუთვნის სხვადასხვა ადამიანს. ეს უტყუარი მტკიცებულებები ჩვენ გადავეცით აბსოლუტურად ყველა საელჩოს, ეუთოს, ცესკოსა და პარლამენტის თავმჯდომარეს და უახლოეს დღეებში ამ ჩანაწერებს ყველა სენატორი, კონგრესმენი და ევროდეპუტატი მიიღებს, რაც საშუალებას იძლევა, ჩაატარონ ექსპერტიზა და დარწმუნდნენ, რომ მოსახლეობის უმეტესობა ირჩევს "საქართველოს პატრიოტთა ალიანსს". უნდა ითქვას ისიც, რომ სექტემბერ-ოქტომბერში ამ კითხვაზე 50%-ზე მეტი პასუხობს; 49,28% პასუხს თავს არიდებს, მაგრამ იქ არის მეორე კითხვა - სამხედრო მიუმხრობლობასთან დაკავშირებით და 76,58% სამხედრო მიუმხრობლობის მომხრეა, ანუ ჩვენი პარტიის ერთ-ერთი მიმართულების მხარდამჭერია, რაც გვაძლევს იმედს, რომ იმ 49,28%-ში უმეტესობა ჩვენ დაგვიჭერს მხარს. აი, ვის ირჩევს საქართველო!" - განცხადა დავით თარხან-მოურავმა.

https://youtu.be/W8fzDRfspo8

(R)

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება