ელენე ხოშტარია და ხათუნა გოგორიშვილი ცესკო-ს თავმჯდომარეს შეხვდნენ

„ევროპული საქართველოს“ წევრები ელენე ხოშტარია და ხათუნა გოგორიშვილი ცესკო-ს თავმჯდომარეს, თამარ ჟვანიას შეხვდნენ.

როგორც შეხვედრის დასრულების შემდეგ ელენე ხოშტარიამ ჟურნალისტებს განუცხადა, ცენტრალური საარჩევნო კომისიის მხრიდან მათ მიიღეს დაპირება, რომ ცესკო დაარეგისტრირებს თვითიზოლაციაში მყოფ თითოეულ ამომრჩეველს, რომელიც რეგისტრაციის ვადებში გადასატანი ყუთით მომსახურებას მოითხოვს.

ამასთან, ხოშტარიას ინფორმაციით, გაიზარდა თვითიზოლაციაში მყოფი პირების რეგისტრაციის ვადაც.

„რასაც მივაღწიეთ ეს არის რამდენიმე საათით ცხელ ხაზზე ზარების მიღების გადაწევა. ეს პირველ რიგში მოქალაქეებმა უნდა გაიგონ - გააგრძელეთ ცხელ ხაზზე დარეკვა, ვისაც რეგისტრირების სურვილი გაქვთ. 18:00 საათამდე ზარებს მიიღებენ.

მივიღეთ პირობა, რომ ნებისმიერ ადამიანს, რომლის ზარიც შევიდა და ვერ უპასუხეს, გადაურეკავენ და დაარეგისტრირებენ. ჩვენ ამას გავაკონტროლებთ აუცილებლად. ნებისმიერი ერთი შემთხვევაც რომ დაფიქსირდეს, რომ არ დაურეკეს, მოგვმართეთ და გავაგრძელებთ ამ წნეხს“, - განაცხადა ხოშტარიამ.

ცნობისთვის, ცესკო-ში, შეხვედრის დაწყებამდე, მცირე სიტყვიერ დაპირისპირებას ჰქონდა ადგილი. ცენტრალური საარჩევნო ადმინისტრაციის დაცვის წევრები „ევროპული საქართველოს“ წარმომადგენლებს ცესკო-ს თავმჯდომარესთან, თამარ ჟვანიასთან შეხვედრის საშუალებას არ აძლევდნენ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს