გიგი უგულავა - კობახიძის ეს განცხადებები სუს-ის და შეშინებული „ქართული ოცნების“ კრუნჩხვებია

ეს „ქართული ოცნების“ კრუნჩხვებია, რადგან არჩევნების გასაყალბებლად ემზადებიან და ამ სრულიად ანტისახელმწიფოებრივი ქმედების, „ლოქდაუნის“, ქვეყნის კვლავ ჩაკეტვის საწინააღმდეგოდ ზღაპარი, სისულელე და ბოდვა მოიგონეს, - ამის შესახებ „ევროპული საქართველოს“ ზუგდიდის მაჟორიტარობის კანდიდატმა გიგი უგულავამ განაცხადა, როდესაც ირაკლი კობახიძის განცხადებას უპასუხა.

მისივე თქმით, კობახიძის განცხადებები იმ ანტისახელმწიფოებრივი ქმედების გადაფარვის მცდელობაა, რასაც „ქართული ოცნება“ ორშაბათს, „ლოქდაუნის“ სახით აპირებს, რომელიც არა ჯანდაცვაზე ზრუნვას, არამედ კიდევ უფრო მეტად, ეკონომიკის მოსპობას ემსახურება.

„მას შემდეგ, რაც ჩვენ, „ევროპულმა საქართველომ“ „ქართული ოცნების“, ივანიშვილისა და გახარიას სრულიად ანტისახელმწიფოებრივი და არადამიანური გეგმა გავასაჯაროვეთ, ორშაბათიდან ისინი „ლოქდაუნს“ აპირებენ, ანუ ქვეყნის კვლავ ჩაკეტვას, ვითომ ჩვენ ჯანდაცვაზე ზრუნვით და კიდევ უფრო მეტად ეკონომიკის მოსპობას, მაგრამ სინამდვილეში ამის მიზეზი ის გასაჭირია, რაც „ქართულ ოცნებას“ ამ არჩევნებზე უდგას, რომ მეორე ტურში მანიპულაცია მოახდინოს. ამის შემდეგ ეს შეშინებული, შლეგი და ღლაპი ბავშვი კობახიძე გამოდის და მათ შტაბში მოგონილ სრულ სიცრუესა და ბოდვას იწყებს.

„ევროპულ საქართველოს“ IPM-თან არანაირი კვლევა არ დაუკვეთია. ეს კობახიძისა და სუს-ის და შეშინებული „ქართული ოცნების“ კრუნჩხვებია, ისინი არჩევნების გასაყალბებლად ემზადებიან და ამ სრულიად ანტისახელმწიფოებრივი ქმედების, „ლოქდაუნის“ საწინააღმდეგოდ ზღაპარი, სისულელე და ბოდვა მოიგონეს იმისთვის, რომ შემდეგ, მათი პროპაგანდისტული მანქანით საზოგადოების ყურადღება იმ რეალური პრობლემიდან გადაიტანონ, რის შექმნასაც ისინი ქვეყანაში აპირებენ“, - განაცხადა უგულავამ.

ცნობისთვის, როგორც ირაკლი კობახიძემ დღევანდელ ბრიფინგზე განმარტა, „რადიკალურ ოპოზიციასთან მჭიდროდ დაკავშირებულმა კომპანიამ - „აიპიემ“-მა დაკვეთილი კვლევის ანკეტაშიც ჩაწერა კითხვა - პროტესტის რა ფორმა იქნება მისაღები იმ შემთხვევაში, თუ არჩევნების შედეგებმა არ დაგაკმაყოფილათ, ხოლო კითხვის პასუხებს შორის მოქალაქეებს შესთავაზეს „გამაოგნებული პასუხი“ - სახელმწიფო შენობების დაკავება და მოთხოვნის დაკმაყოფილების მიზნით ფიზიკური ან შეიარაღებული ძალის გამოყენება“.

„ეს ნიშნავს, რომ 2016, 2018 და სხვა წლების მსგავსად, რადიკალური ოპოზიცია შეიარაღებული ამბოხების სცენარს განიხილავს და იკვლევს, რა რეაქცია ექნებათ მოქალაქეებს, თუ რადიკალური ოპოზიცია სახელმწიფოს წინააღმდეგ შეიარაღებული დაპირისპირების ფორმას მიმართავს! ეს არის სრულიად გამაოგნებელი ფაქტი და არანაკლებ გამაოგნებელია მათი პარტნიორი კვლევითი კომპანიის წარმომადგენლების რეაქცია ჟურნალისტის კითხვაზე ამ ფაქტთან დაკავშირებით“, - განაცხადა კობახიძემ და დასძინა, რომ კვლევითი კომპანიები ინფორმირებულები არიან და იციან მოსახლეობის რეალური განწყობები.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე