ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)

"პატრიოტთა ალიანსის" ვაკის მაჟორიტარი დეპუტატობის კანდიდატის, ნანა დევდარიანის განცხადებით, "ნაციონალურ მოძრაობას" იმედი აქვს, რომ 8 წელი გავიდა და ყველას დაავიწყდა მათ მიერ ჩადენილი დანაშაულებები. მისი თქმით, გაუპატიურების, ძალადობის, ცემის და წამების ამსახველი კადრები დანაშაულის მტკიცებულებაა. ნანა დევდარიანი აღნიშნავს, რომ "ქართულმა ოცნებამ" გამოძიების ნაცვლად სამხილები გაანადგურა და ამით პრობლემის მოხსნა სცადა, თუმცა, მისივე თქმით, შეუძლებელია 600-ზე მეტი მოკლული და ნაწამები პატიმარი ვინმეს დაავიწყდეს.

"თავისთავად ის, რომ ძალადობრივი სისტემის მესვეურები ცდილობენ ეს ლაქა ჩამოირეცხონ, უცნაური არ არის. პირველ რიგში, მათ იმედი აქვთ, რომ 8 წელი გავიდა და ყველას დაავიწყდა - არავის არაფერი არ დაავიწყდა! გაუპატიურების, ძალადობის, ცემის, წამების ამსახველი კადრები არ არის პირადი ცხოვრების ამსახველი კადრები - ეს ჩანაწერები დანაშაულს ასახავს! ეს კომპრომატი კი არ არის, ეს არის დანაშაულის მტკიცებულება! სრულიად გაუმართლებელი იყო და ამაზე ჩვენ მაშინაც ვსაუბრობდით, რომ სამხილები გაანადგურა "ქართულმა ოცნებამ" და თითქოს ამით პრობლემა მოხსნა. პრობლემა არ მოიხსნა, სამხილები განადგურდა და ყოველ კონკრეტულ საკითხზე რომ უნდა დადებულიყო ვერდიქტი, გამოძიებულიყო და დასასჯელი დასჯილიყო, ამის მაგივრად ადგნენ და გაანადგურეს ეს კადრები. მაგრამ მეხსიერებიდან ამას ხომ ვერ ამოშლი?! ადამიანებს ახლობლები რომ მოუკლეს, 600 კაცზე მეტი ადამიანია მოკლული საპატიმროებში საეჭვო ვითარებაში. ამას ხომ ვერ დაავიწყებ, რომ ოჯახის წევრი აღარ ჰყავს ცოცხალი! სულხან მოლაშვილის მამას ხომ ვერ დაავიწყებ, მისი შვილი როგორი ნაწამები გამოვიდა ციხიდან და, ფაქტობრივად, ნელი სიკვდილისთვის გაწირეს! ეს ყველაფერი შეუძლებელია ვინმეს დაავიწყდეს! მეტსაც გეტყვით, ინტერნეტი არ არსებობდა, ინფორმაციის ასეთი ფართოდ გაშლის და გაცვლის საშუალება არ იყო, მაგრამ ადამიანებმა ყოველთვის იცოდნენ, რა ხდებოდა საპატიმროებში, ვის მიმართ ხორციელდებოდა წამება, არაადამიანური მოპყრობა და ეს მაინც არ იმალებოდა. ჭირი თავს არ დამალავს, როგორც არ უნდა მალო, ეს ელემენტარულია", - განაცხადა ნანა დევდარიანმა.

(R)

https://www.youtube.com/watch?v=9qJqwvGDHF8

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება