„ევროპის სახალხო პარტია“ გმობს ყოველგვარ დაშინებასა და ძალადობას და საქართველოს ხელისუფლებას მოუწოდებს უზრუნველყოს მშვიდობიანი არჩევნების ჩატარება

„ევროპის სახალხო პარტია“ (EPP) გმობს ყოველგვარ დაშინებასა და ძალადობას და საქართველოს ხელისუფლებას მოუწოდებს უზრუნველყოს მშვიდობიანი არჩევნების ჩატარება.

„"ევროპის სახალხო პარტია" (EPP) საქართველოში ხვალ დაგეგმილი არჩევნების წინ, მოუწოდებს საქართველოს ხელისუფლებას უზრუნველყოს მომავალი არჩევნების თავისუფლად, სამართლიანად და მშვიდობიანად ჩატარება. ჩვენ ვგმობთ ოპოზიციის ან ნებისმიერი სხვა პოლიტიკური ძალისკენ მიმართულ ყოველგვარ ძალადობას ან დაშინებას“, - ნათქვამია პარტიის მიერ სოციალურ ქსელ „ტვიტერზე“ გავრცელებულ განცხადებაში.

აქვე აღნიშნულია, რომ "ევროპის სახალხო პარტია" (EPP) ძლიერ შედეგებს უსურვებს მომავალ არჩევნებში მის ქართველ პარტნიორებს - „ერთიან ნაციონალურ მოძრაობას“ და „ევროპულ საქართველოს“.

„EPP მხარს უჭერს მათ მცდელობებს დაიცვან საქართველოს დემოკრატიული სტანდარტები, კანონის უზენაესობა და ევროპული დღის წესრიგი. დემოკრატიამ უნდა გაიმარჯვოს საქართველოსთვის, რათა რეგიონისთვის მისაბაძი მაგალითი იყოს“, - აღნიშნავენ "ევროპის სახალხო პარტიაში".