,,ენერგო-პრო ჯორჯია“ კვლავ საგანგებო რეჟიმში განაგრძობს მუშაობას
,,ენერგო-პრო ჯორჯია“ კვლავ საგანგებო რეჟიმში განაგრძობს მუშაობას. ამის შესახებ ინფორმაციას ,,ენერგო-პრო ჯორჯია“ ავრცელებს.
მათივე ინფორმაციით, გავრცელდა ინფორმაცია, რომ დღის ბოლოს, მარნეულში, ერთ-ერთ საარჩევნო უბანს შეუწყდა ენერგომომარაგება.
როგორც კომპანიაში აცხადებენ, სს ,, ენერგო-პრო ჯორჯიას“ ქსელში, ამ პერიოდში, არ მომხდარა ავარია და არც ტექნიკური დაზიანება, შესაბამისად საარჩევნო უბნებს კომპანიის მიზეზით არ შეწყვეტია ენერგომომარაგება. თუ ძაბვის შეზღუდვას ჰქონდა ადგილი, სავარაუდოდ საარჩევნო უბნის შენობის შიდა ქსელის მიზეზით მოხდებოდა ეს.
დღის განმავლობაში კი ვრცელდებოდა ინფორმაცია, თითქოს იგეგმებოდა, ელექტროენერგიის მიზანმიმართულად წყვეტა. "ენერგო-პრო ჯორჯიაში" აცხადებენ, რომ კომპანია ელექტროენერგიით ამარაგებს 3 700 საარჩევნო უბანს.
შესაბამისად, ბუნებრივია რამდენიმე უბანს, შესაძლოა შეეზღუდა ენერგომომარაგება - ზოგ შემთხვევაში კომპანიის ქსელში მომხდარი ავარიის გამო, ზოგ შემთხვევაში კი საარჩევნო უბნების შიდა ქსელის დაზიანების გამო, თუმცა ამას ხელი არ შეუშლია საარჩევო პროცესისათვის, რადგან თუ კომპანიის ქსელში მოხდა დაზიანება, რეაგირება და ენერგომომარაგების აღდგენა ოპერატიულად ხდებოდა.
მათივე ცნობით, სს ,,ენერგო-პრო ჯორჯია“ კვლავ საგანგებო რეჟიმში განაგრძობს მუშაობას და იმაშავებს იქამდე, სანამ არ დასრულდება ხმის დათვლის პროცედურა.
v-if="article.gallery" v-html="article.gallery"
