ცესკო-ში ხმაურია. იმ დროს, როდესაც ცესკო-ს თავმჯდომარე, თამარ ჟვანია არჩევნების პირველად შედეგებს აცხადებდა, შენობაში „ნაციონალური მოძრაობის“ წევრი შეიჭრა, რომელმაც განაცხადა, რომ აღნიშნული შედეგები გაყალბებულია.

„ ეს არის ყალბი შედეგები რას აქვეყნებთ არ გცხვენიათ? ეს არ ასახავს ამომრჩევლის რეალობას. ეს არის „ოცნების“ შტაბში დაწერილი, რაც გადმოგცეს. აქამდე შეგნებულად არ აჩვენებდნენ ოქმებს. დაითვალეს მხოლოდ ის ოქმები, სადაც შეცვლილია და მხოლოდ „ოცნების შედეგებია“. არ არის აქ რეალურად ასახული ის პროცენტები, რომელსაც ხალხმა მისცა ხმა. ეს ყველაფერი არის ფარსი და ყალბი“, - განაცხადა დავით კირთაძემ.

შენობაში მობილიზებული არიან სამართალდამცავები.