ლევან კობერიძე - ხელისუფლება ეცდება ოპოზიციას დააბრალოს, რომ თითქოს, რაღაც რევოლუციური სცენარები არსებობს

ხელისუფლება ეცდება მდგომარეობის ესკალაცია ოპოზიციას გადააბრალოს, ოპოზიციას დააბრალოს, რომ თითქოს, რაღაც რევოლუციური სცენარები არსებობს, - ამის შესახებ „ლელო საქართველოსთვის“ ერთ-ერთმა ლიდერმა ლევან კობერიძემ ბრიფინგზე განაცხადა.

კობერიძემ აღნიშნა, რომ მისი პარტია მოქალაქეების ხმების დასაცავად სამართლებრივი გზით, ყველაფერს გააკეთებს.

„ცესკოს საშუალებით, ჩვენ მივიღეთ გაყალბებული არჩევნები, მაშინ როდესაც ვაკის ოლქში მხოლოდ 50000 გაბათილებული ბიულეტენია, რაც მოსული ამომრჩევლის 10%-ს შეადგენს, ასევე ჩვენს მიერ დაწერილია 35 საჩივარი, საიდანაც მინდა გითხრათ, რომ დღეის მდგომარეობით, არც ერთი განხილული არაა და ფაქტობრივად, ჩინჩალაძე-მურუსიძის სასამართლოში გადაგვამისამართეს. დღეიდან დარწმუნებული ვარ, რომ ხელისუფლება ეცდება ოპოზიციას გადააბრალოს მდგომარეობის ესკალაცია, ოპოზიციას დააბრალოს, რომ თითქოს, რაღაც რევოლუციური სცენარები არსებობს. სწორედ მათი პასუხისმგებლობაა დღეს შექმნილი მდგომარეობა ქვეყანაში. ჩვენ, „ლელო“ საქართველოსთვის ყველაფერს გავაკეთებთ, რომ სამართლებრივი გზით მოვახერხოთ ჩვენი მოქალაქეების ხმის დაცვა“, - განაცხადა კობერიძემ.