ლია მუხაშავრია - მოვუწოდებ ხელისუფლებას, ნუ გაამწვავებს მდგომარეობას
ამ ქვეყანაში დარღვეული საარჩევნო უფლებების სამართლებრივი გზით აღდგენის საშუალება პრაქტიკულად არ არსებობს, - ამის შესახებ პოლიტიკური მოძრაობა „დავით ჭიჭინაძე - ტრიბუნას“ წევრმა, ლია მუხაშავრიამ განაცხადა.
ის ხელისუფლებას მიმართავს, რომ ძალადობით პროტესტის ჩახშობა დაუშვებელი იქნება.
„დღეს, როდესაც ადამიანებს დაურღვიეს უფლებები და თან არ მისცეს სამართლებრივი საშუალებების გამოყენების შესაძლებლობა, უფლებადარღვეულ მოქალაქეებს, პარტიებს, კანდიდატებს, რჩებათ ერთადერთი გზა - მშვიდობიანი მანიფესტაციები, რადგან არავინ არ აპირებს გაყალბებულ შედეგებთან, მოპარულ არჩევნებთან შეგუებას!
მოკლედ, ამ ქვეყანაში დარღვეული საარჩევნო უფლებების სამართლებრივი გზით აღდგენის საშუალება პრაქტიკულად არ არსებობს. მითუმეტეს, რომ ჩვენ, უფლებადამცველები, დიდი ხანია ვაპროტესტებთ იმ მოსამართლეთა დანიშვნებს, რომლებიც შემჩნეული არაიან უკანონობასა და სუბიექტურ უსამართლო გდაწყვეტილებებში. ანუ, ივანიშვილის დანიშნულ მოსამართლეებს არ ვენდობით!
ორჯერ მქონდა შეხვედრა ამ პერიოდში ეუთო/ოდირის წარმომადგენლებთან და ხაზგასმით დავუსაბუთე, თუ რატომ არ იქნება სამართლებრივი საშუალებები შედეგიანი. ახლაც სწორედ ხელისუფლების, საერთაშორისო საზოგადოების გასაგონად ვამბობ, ეს მშვიდობიანი საპროტესტო აქციები ჩაატაროს ისე, როგორც მოითხოვს ჩვენი კონსტიტუცია და საერთაშორისო სამართლის ნორმები, ყველანაირი ძალადობის, იარაღის და დაპირისპირების გარეშე! ძალადობით ამ პროტესტის ჩახშობა იქნება დაუშვებელი!“, - განაცხადა ლია მუხაშავრიამ.
ინფორმაციას პოლიტიკური მოძრაობა „ტრიბუნა“ ავრცელებს.
v-if="article.gallery" v-html="article.gallery"
