“ნაციონალური მოძრაობის” მხარდამჭერები სააკაძის მოედნიდან ცენტრალური საარჩევნო კომისიის მიმართულებით ავტოკოლონებით მსვლელობას მართავენ. მსვლელობის მონაწილეების განცხადებით, აღნიშნულით ისინი არჩევნების შედეგებს აპროტესტებენ. ცენტრალური საარჩევნო კომისიიდან ავტოკოლონები ე.წ მოდულის შენობასთან გადაინაცვლებენ.

“ჩვენი აქცია დაკავშირებულია იმ პროცესებთან, რასაც ხედავთ. მთელი საქართველოს მასშტაბით, საოლქო კომისიებში ხდება გაყალბებული ოქმებისა და არარეალური მონაცემების გადატანა. გვინდა, რომ ცენტრალურ საარჩევნო კომისიასთან კიდევ ერთხელ გავაპროტესტოთ ეს პროცესები. არც ცესკო, არც საოლქო კომისიები და არც ერთი სახელმწიფო ინსტიტუტი რეალურად არ ფუნქციონირებს და ეს ყველაფერი იმართება შუშის სასახლიდან”,- განაცხადა “ნაციონალური მოძრაობის” წარმომადგენლმა მიხეილ კაკაურიძემ.

იხილეთ ვიდეო: “ნაციონალური მოძრაობის” მხარდამჭერები ცესკოს მიმართულებით ავტოკოლონებით მსვლელობას მართავენ