გიორგი ვაშაძე - გულანთებული ხალხი მარტივ რამეს ითხოვს - სწორი არჩევნები ჩატარდეს, მისი ხმა არ გაყალბდეს, ძალადობით არავინ დარჩეს ხელისუფლებაში

რუსთაველის გამზირიდან აქციის მონაწილეები ცენტრალური საარჩევნო კომისიისკენ ფეხით მიემართებიან. მათთან ერთად არიან ოპოზიციის ლიდერებიც.

როგორც „სტრატეგია აღმაშენებლის“ ლიდერმა გიორგი ვაშაძემ განაცხადა, გულანთებული ხალხი მარტივ რამეს ითხოვს - „სწორი არჩევნები ჩატარდეს, მისი ხმა არ გაყალბდეს, ძალადობით არავინ დარჩეს ხელისუფლებაში“.

„საქმის კეთება გვინდა, აღმშენებლობა გვინდა, გვინდა, რომ სამართლიანმა არჩევნებმა გადაწყვიტოს ამ ქვეყნის ბედი.

ეს არის გულანთებული ხალხი, რომელიც მარტივ რამეს ითხოვს - სწორი არჩევნები ჩატარდეს, მისი ხმა არ გაყალბდეს, ძალადობით არავინ დარჩეს ხელისუფლებაში. აბა, რა არის სახელმწიფო, რა არის დემოკრატია, თუ ჩვენ არ დავიცავით არჩევანის უფლება? ეს ენერგეტიკა, პოზიტიური მუხტი გვინდა რომ მოვიტანოთ თითოეულ ქართულ ოჯახში. „ქართული ოცნების“ მხარდამჭერებსაც ვეუბნებით, რომ უსამართლობაა ამის დაჩაგვრა. ამ უსამართლობას პასუხი ყველამ ერთად უნდა გავცეთ. ჩვენ ხომ არ ვამბობთ, რომ მათ მხარდამჭერები არ ჰყავთ, უბრალოდ გვინდა, რომ უსამართლობას ვებრძოლოთ“, - განაცხადა ვაშაძემ.

შეგახსენებთ, რომ ოპოზიციური სპექტრი ცესკოს ბლოკირებას იწყებს. მათი ერთობლივი გადაწყვეტილებით, აქციის მონაწილეები ცესკოსთან გადაინაცვლებენ, სადაც მათივე განცხადებით, „დღეიდან ვერავინ შევა და ვერავინ გამოვა“.

ამასთან, როგორც ოპოზიციური სპექტრის სახელით, პარლამენტის წინ მიმდინარე აქციაზე ნიკა მელიამ განაცხადა, ოპოზიციის გადაწყვეტილებაა, რომ „ხალხი იქნება გარეთ სულ, ყველა ქალაქში, ყველა რეგიონში“.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო