უნგრეთში, 20:00 საათიდან დილის 5 საათამდე „კომენედანტის საათი“ იმოქმედებს, რესტორნები და ბარები კი დაიხურება

უნგრეთში კორონავირუსთან დაკავშირებით ახალი შეზღუდვები წესდება, - ამის შესახებ ქვეყნის პრემიერ-მინისტრმა ვიქტორ ორბანმა დღეს განაცხადა.

მისი თქმით, შეზღუდვების ფარგლებში, საღამოს 20:00 საათიდან დილის 5 საათამდე ე.წ. „კომენედანტის საათი“ იმოქმედებს, რესტორნები და ბარები დაიხურება, საშუალო სკოლები და უნივერსიტეტები სწავლების ონლაინ რეჟიმში გადავლენ, 10-ზე მეტი ადამიანის შეკრება აიკრძალება, სპორტული ღონისძიებების ჩატარება კი მაყურებლის გარეშე იქნება ნებადართული.

შეზღუდვები ძალაში ოთხშაბათს შევა და 30 დღის განმავლობაში იმოქმედებს.

აღსანიშნავია, რომ გაზაფხულზე, კორონავირუსის პირველი ტალღის დროს, უნგრეთმა დასავლეთ ევროპის ბევრი ქვეყნისგან განსხვავებით, მძიმე მდგომარეობის თავიდან აცილება შეძლო. იმ დროს ქვეყანაში გავრცელების პიკის პერიოდში დღეში საშუალოდ 100 ახალი შემთხვევა ფიქსირდებოდა, თუმცა ბოლო პერიოდში სიტუაცია მნიშვნელოვნად გაუარესდა. უნგრეთში, გასული დღე-ღამის განმავლობაში კოვიდ 19-ის 5 162 ახალი შემთხვევა გამოვლინდა. ჯანდაცვის ექსპერტები აცხადებენ, რომ ქვეყნის ჯანდაცვის სისტემამ რამდენიმე კვირაში, შესაძლოა, დატვირთვას ვეღარ გაუძლოს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„მაკდონალდს საქართველო“ Mc Happy Day-ის საქველმოქმედო კამპანიას იწყებს