გიგი უგულავა - ერთი ხელით დიალოგზე საუბრობდე, მეორე ხელით ხალხს არბევდე და იჭერდე, ასე დიალოგი არ წარმოებს - შანტაჟის პირობებში  დიალოგს არ ვაპირებთ

ერთი ხელით დიალოგზე საუბრობდე და მეორე ხელით ხალხს არბევდე და იჭერდე, ასე დიალოგი არ წარმოებს. ჩვენ შანტაჟის პირობებში არ ვაპირებთ დიალოგის წარმოებას. შანტაჟის პირობებში დიალოგის წარმოება ნიშნავს შეშინებას და აქ ხალხი არ არის შეშინებული - შეშინებულია ივანიშვილი, - ამის შესახებ “ევროპული საქართველოს” ერთ-ერთმა ლიდერმა გიგი უგულავამ პარლამენტთან მიმდინარე აქციაზე განაცხადა.

მისივე თქმით, დიალოგზე ხელისუფლების წარმომადგენლებთან დღეს კომუნიკაცია არ ყოფილა.

“ივანიშვილმა ქვეყანა თავისი ფულის საცავად გადაგვიქცია და ახლა ფიქრობს, რომ ფულის საცავი აღარ ექნება. ივანიშვილს ეს ქვეყანა არაფრად უღირს გარდა, იმისა, რომ თითოეული ჩვენთაგანი თავისი ქონების და უსაფრთხოების საცავად, მისი ფულის მცველად წარმოუდგენია. აი, ეს არის სიმართლე და ამ სიმართლეს არ მიიღებს ქართველი საზოგადოება”, - განაცხადა უგულავამ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს