რომის პაპი ფრანცისკე რომში მცხოვრებ ღარიბ და უსახლკარო ადამიანებს კორონავირუსზე უფასო ტესტის ჩატარებას სთავაზობს, - ამის შესახებ ინფორმაციას ვატიკანი ავრცელებს.

მოქალაქეებს ტესტებს წმინდა პეტრეს მოედანზე მდებარე საავადმყოფოში გაუკეთებენ, რომელიც პაპმა რამდენიმე წლის წინ გაჭირვებული ადამიანებისთვის დააარსა.

არქიეპისკოპოს რენო ფიზიჩელას ინფორმაციით, კლინიკაში დღეში 50 ტესტის გაკეთებაა შესაძლებელი. მისივე თქმით, ის ადამიანები, ვისი პასუხიც უარყოფითი იქნება, სერტიფიკატს მიიღებენ და მათ თავშესაფარში გადაიყვანენ. დადებითი პასუხის შემთხვევაში კი პაციენტი საავადმყოფოში მკურნალობას განაგრძობენ.

შეგახსენებთ, იტალიაში კორონავირუსით ინფიცირებულთა რაოდენობამ 1 მილიონს გადააჭარბა.