მედია - ისრაელის  სპეცსამსახურებმა  ირანში ალ-ქაიდას #2 ლიდერი მოკლეს

ისრაელის სპეცსამსახურების წარმომადგენლებმა ირანში აგვისტოში ალ-ქაიდას #2 ლიდერი აბდულა აჰმედ აბდულა მოკლეს, - ამის შესახებ ინფორმაციას the New York Times-ი ავრცელებს.

გამოცემის ცნობით, აბდულა აჰმედ აბდულა, რომლის ფსევდონომია აბუ მუჰამედ ალ-მასრი, მოტოციკლზე მჯდომმა ორმა მამაკაცმა თეირანის ქუჩებში 7 აგვისტოს ჩაცხრილა.

მასრისთან ერთად მისი ქალიშვილიც მოკლეს, რომელიც „ალ-ქაიდას“ დამფუძნებლის, უსამა ბენ ლადენის შვილის, ჰამზას ქვრივი იყო.

გამოცემა წერს, რომ მასრის მკვლელობა, რომელიც ალ-ქაიდას ამჟამინდელი ლიდერის, აიმან ალ-ზავაჰირის სავარაუდო მემკვიდრედ ითვლებოდა, დღემდე საიდუმლოდ ინახებოდა.

„„ალ-ქაიდას“ მისი გარდაცვალების შესახებ ინფორმაცია არ გაუვრცელებია, ირანის ოფიციალურმა წარმომადგენლებმა ფაქტი დამალეს და პასუხისმგებლობა საჯაროდ არცერთ მთავრობას არ აუღია,“- წერს the New York Times-ი.

აბუ მუჰამედ ალ-მასრი აფრიკაში, აშშ-ის ორ საელჩოზე განხორციელებული ტერაქტების ორგანიზებაშია ეჭვმიტანილი.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო