ვიეტნამს ტაიფუნი „ვამკო“ უახლოვდება, რის გამოც ქვეყნის ოთხი ცენტრალური პროვინციიდან ათასობით ადამიანის ევაკუაცია განხორციელდა, - ამის შესახებ ინფორმაციას „ალ-ჯაზირა“ ავრცელებს.
გამოცემის ცნობით, დაიხურა აეროპორტები, სანაპირო ზოლები.
ვარაუდობენ, რომ ტაიფუნი ქვეყანას კვირას დაატყდება თავს და ქარის სიჩქარე საათში 100 კილომეტრს მიაღწევს.
შეგახსენებთ, „ვამკომ“ რამდენიმე დღის წინ ფილიპინებს სერიოზული ზიანი მიაყენა. ტაიფუნისგან გამოწვეულმა წყალდიდობამ 340 000-ზე მეტი ადამიანი დააზარალა და სულ მცირე 53 მოქალაქე იმსხვერპლა.