რუმინეთის ჩრდილო-აღმოსავლეთ ნაწილში, ნიამცის ოლქის ერთ-ერთ საავადმყოფოში, სადაც კორონავირუსით დაინფიცირებული პაციენტები მკურნალობდნენ ხანძარი გაჩნდა.
BBC-ის ინფორმაციით, ცეცხლი შენობის იმ ნაწილში გავრცელდა, სადაც ინტენსიური თერაპიის პალატა იყო განთავსებული და 16 ინფიცირებული მკურნალობდა. ხანძარს სულ მცირე 10 ადამიანი ემსხვერპლა, რამდენიმე პაციენტის მდგომარეობა კი ამ დრომდე კრიტიკულია.
რუმინეთის ჯანდაცვის მინისტრის, ნელუ ტატარუს განცხადებით, საავადმყოფოში ხანძრის გაჩენის სავარაუდო მიზეზი მოკლე ჩართვა გახდა.