სერგი კაპანაძე კახა კალაძის განცხადებაზე - მორიგი სიგიჟეა, „სირცხვილის კორიდორის“ ჩატარების უფლება ნებისმიერ ადამიანს აქვს

ბოდვაა, არ არსებობს მსგავსი მუხლი, მორიგი სიგიჟეა. „სირცხვილის კორიდორის“ ჩატარების უფლება აქვს ნებისმიერ ადამიანს,- ამის შესახებ „ევროპული საქართველოს“ ლიდერმა სერგი კაპანაძემ განაცხადა, რითაც გამოეხმაურა კახა კალაძის განცხადებას, რომელიც „სირცხვილის კორიდორის“ მოწყობის შემთხვევაში შესაძლო სამართლებრივ რეაგირებას ეხებოდა.

კაპანაძის თქმით, „ევროპული საქართველო“ „სირცხვილის კორიდორის“ ინიციატივას ემიჯნება და აღნიშნავს, რომ ეს არ იქნება სწორი.

„ჩვენ გვგონია, რომ ეს არასწორია. არასწორი ამოცანაა, არასწორი ობიექტია. ობიექტი არ უნდა იყოს ამომრჩეველი, შეიძლება გულწრფელად მიდის ეს ხალხი იქ, რა შუაშია. ობიექტია ის, ვინც აყალბებს არჩევნებს. მათ შეგვიძლია მოვუწყოთ მშვიდობიანი მანიფესტაცია ბევრი ფორმით, იქნება ეს ცესკო-ში თუ პარლამენტთან. ისინი არიან გამყალბებლები, ისინი არიან დამნაშავეები. თუ მაინც გადაწყვეტენ „ნაციონალური მოძრაობის“ წევრები, რომ ეს გააკეთონ, მათი პრობლემა იქნება, ჩვენი -არა“, - განაცხადა კაპანაძემ.

მისივე თქმით, ეს ყველაფერი დამაზიანებელი იქნება იმ პარტიებისთვისაც, რომლებიც „სირცხვილის კორიდორში“ მონაწილეობას არ მიიღებენ.

„ქართული ოცნების“ პროპაგანდაა მთელი ეს პერიოდი, რომ ყველა არის „ნაციონალური მოძრაობა“ და ყველა არის სააკაშვილი. მიუხედავად იმისა, რომ ეს ასე არ არის და ყველამ იცის ეს. ისინი შეეცდებიან, რომ თუკი ვინმე რამეს მათთვის არამოსაწონს გააკეთებს, მერე ეს დააბრალონ მთლიანად ოპოზიციას“, - განაცხადა კაპანაძემ.

„ქართული ოცნების“ გენერალური მდივნის, თბილისის მერის კახა კალაძის განცხადებით, არჩევნების მეორე ტურის დღეს „სირცხვილის კორიდორის“ მოწყობა სისხლის სამართლის დანაშაულია.

კალაძის თქმითვე, თუ 21 ნოემბერს ასეთი ფაქტები დაფიქსირდება, ამას შესაბამისი სამსახურების მხრიდან რეაგირება მოჰყვება.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!