სომხეთში, ბოლო დღე-ღამის განმავლობაში კორონავირუსის 1 589 ახალი შემთხვევა გამოვლინდა და ინფიცირებულთა საერთო რაოდენობა 120 459-მდე გაიზარდა. ინფორმაციას სომხეთის ჯანდაცვის სამინისტროს დაავადებათა კონტროლისა და პრევენციის ცენტრი ავრცელებს.

ამასთან, ბოლო 24 საათის განმავლობაში, ქვეყანაში კოვიდ-19-ს კიდევ 28 ადამიანის სიცოცხლე ემსხვერპლა და დაღუპულთა რიცხვმა 1 839-ს მიაღწია. ამ დროისთვის ქვეყნის მასშტაბით 38 551 კოვიდინფიცირებული მკურნალობს, კოვიდ 19-სგან გამოჯანმრთლებული პაციენტების რაოდენობა კი 80 069-ია.