სერგო ჩიხლაძე - არის არჩევნებთან დაკავშირებული წინადადებები, რომლითაც „ქართული ოცნებაც“ ინარჩუნებს სახეს და ჩვენც ჩვენ მოთხოვნებს ვიკმაყოფილებთ

„სტრატეგია აღმაშენებლის“ ერთ-ერთი ლიდერის სერგო ჩიხლაძის განცხადებით, არსებობს არჩევნებთან დაკავშირებული წინადადება, რომლითაც ოპოზიცია საკუთარ მოთხოვნებს იკმაყოფილებს, ხოლო „ქართული ოცნება“ სახეს ინარჩუნებს.

მან აღნიშნულის თაობაზე „გირჩის“ ლიდერის ზურაბ ჯაფარიძის განცხადების კომენტირებისას ისაუბრა, რომლის თანახმადაც, ამ წუთის მდგომარეობით, მოლაპარაკების მაგიდაზე დევს ერთადერთი წინადადება, რომელიც არის კონსტრუქციული და რომელიც შესაძლოა გამოსავალი იყოს როგორც ხელისუფლებისთვის, ასევე ოპოზიციისთვის.

როგორც ჩიხლაძემ „პალიტრანიუსის“ გადაცემა „360 გრადუსში“ განაცხადა, საქმე ეხება მომავალ არჩევნებს.

„ყველა დეტალი ვერ გასაჯაროვდება, მაგრამ მინიშნებით გეტყვით, რომ ეს არის არჩევნებთან დაკავშირებული წინადადებები, რომლითაც „ქართული ოცნებაც“ სახეს როგორღაც ინარჩუნებს და ჩვენც ჩვენ მოთხოვნებს ასევე ვიკმაყოფილებთ. არჩევნებთან დაკავშირებით არის ეს, ოღონდ ველოდებით.... უფრო მომავალ არჩევნებთან დაკავშირებით, მოდით ასე ვთქვათ“,- აღნიშნა ჩიხლაძემ.

ამასთან, ჩიხლაძის მტკიცებით, მეორე ტურში მონაწილეობას ოპოზიცია არ იღებს და ეს შემდგარი პროცესია.

„მოლაპარაკებები და ქუჩის პროცესი ერთმანეთს ხელს არ უშლის. დარწმუნებული ვარ, რომ ხელისუფლებას, „ქართულ ოცნებას“ ეყოფა რაციონალური განსჯა და საღი აზრი, რომ გააგრძელოს მოლაპარაკებები, ბურთი მათ მოედანზეა, ველოდებით..მეორე ტურში რომ მონაწილეობას არ ვიღებთ, ეს შემდგარი ფაქტია, ორ დღეში და დღე ნახევარში არაფერი შეიცვლება, გასაგებია, საუბარია საშუალო და გრძელვადიან შედეგებზე.

მისი თქმით, მოლაპარაკება რომ შედგეს, როცა ერთ მხარეს აქვს პოზიცია, მეორე მხარეც შემხვედრი პოზიციით უნდა მივიდეს.

„წინააღმდეგ შემთხვევაში, რომ ახლა, შემოდი და მერე ვისაუბროთ, ასე არ ხდება“,- აღნიშნა ჩიხლაძემ.

ცნობისთვის, "გირჩის" ლიდერის ზურაბ ჯაფარიძის განცხადებით, ამ დროის მდგომარეობით, მოლაპარაკების მაგიდაზე ერთადერთი წინადადება დევს.

"ამ წუთის მდგომარეობით, მოლაპარაკების მაგიდაზე დევს ერთადერთი წინადადება, რომელიც არის კონსტრუქციული და რომელიც შესაძლოა გამოსავალი იყოს როგორც ხელისუფლებისთვის, ასევე ოპოზიციისთვის",- აღნიშნა ჯაფარიძემ "რუსთავი 2"-თან.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს