ვლადიმერ პუტინი - მთიან ყარაბაღში ჩვენი სამშვიდობო ძალების განთავსებამ შესაძლებელი გახადა სისხლის ღვრის შეჩერება და ახალი მსხვერპლის თავიდან აცილება
რუსეთის პრეზიდენტის, ვლადიმერ პუტინის განცხადებით, მთიანი ყარაბაღის კონფლიქტის ზონაში რუსი სამშვიდობო ძალების განთავსებამ ხელი შეუწყო სისხლის ღვრის შეჩერებას. ამის შესახებ მან რუსული სამშვიდობო მისიის შესახებ ონლაინ შეხვედრისას განაცხადა.
„ჩვენი სამშვიდობო ძალების განთავსებამ შესაძლებელი გახადა სისხლის ღვრის შეჩერება და ახალი მსხვერპლის თავიდან აცილება. ჩვენი სამხედროები ეფექტურად აკონტროლებენ ცეცხლის შეწყვეტას, რომელსაც ორივე მხარე იცავს. მთლიანობაში, მდგომარეობა დასტაბილურდა. ხაზგასმით აღვნიშნავ, რომ ჩვენი ყველა ჰუმანიტარული ძალისხმევა და დახმარება სომეხი და აზერბაიჯანელი ხალხების სასარგებლოდ უნდა იყოს მიმართული“, - განაცხადა პუტინმა.
მან ხაზგასმით ისაუბრა კონფლიქტის რეგიონში ისტორიული და რელიგიური ობიექტების დაცვის აუცილებლობაზე.
„განსაკუთრებით მსურს გამოვყო როგორც აზერბაიჯანული, ისე სომხური ისტორიული ძეგლებისა და რელიგიური სიწმინდეების დაცვის თემა. ამ საკითხს აქვს მნიშვნელოვანი ზნეობრივი, ადამიანური განზომილება. მე ვთვლი, რომ იუნესკოს ჩართულობა აქ სრულიად საჭიროა. ჩვენ ასევე იმედი გვაქვს UNICEF– ის დახმარების ბავშვებსა და მოზარდებში, რომლებიც განსაკუთრებით დაუცველნი არიან სამხედრო კონფლიქტების საშინელებების წინაშე“, - აღნიშნა პუტინმა.
v-if="article.gallery" v-html="article.gallery"
