ერევანში პრემიერ-მინისტრ ნიკოლ ფაშინიანის გადადგომის მოთხოვნით საპროტესტო აქცია განახლდა.
მედიის ინფორმაციით, დემონსტრანტები „თავისუფლების მოედანზე“ არიან შეკრებილები. ოპოზიციური პარტიების წარმომადგენლები აცხადებენ, რომ მათი მოთხოვნა, ნიკოლ ფაშინიანის გადადგომასთან დაკავშირებით, უცვლელია.
„თანამდებობის პირთა შეცვლით ჩვენი მთავარი მოთხოვნიდან ყურადღების გადატანა არ მოხდება - ნიკოლ ფაშინიანი უნდა წავიდეს ", - განაცხადა პარტია „დაშნაკცუტიუნის“ წარმომადგენელმა გეგამ მანუკიანმა.
შეგახსენებთ, ერევანში ოპოზიციური პარტიების ორგანიზებით საპროტესტო აქციები რამდენიმე დღეა იმართება. აქციის მონაწილეები ნიკოლ ფაშინიანს ქვეყნის ტერიტორიების აზერბაიჯანისთვის დათმობაში ადანაშაულებენ და მის გადადგომას მოითხოვენ.
იხილეთ ვიდეო: ერევანში ნიკოლ ფაშინიანის გადადგომის მოთხოვნით მორიგი საპროტესტო აქცია გაიმართა