საფრანგეთის საგარეო საქმეთა მინისტრი - თურქეთი არ უნდა შემოიფარგლოს მხოლოდ სიტყვებით, არამედ რეალურად განახორციელოს ქმედებები
თურქეთი არ უნდა შემოიფარგლოს მხოლოდ სიტყვებით, არამედ რეალურად განახორციელოს ქმედებები, რომლებიც გააუმჯობესებს ვითარებას მსოფლიოს სხვადასხვა რეგიონში და დადებითად აისახება ევროკავშირთან ურთიერთობაში. ამის შესახებ საფრანგეთის საგარეო საქმეთა მინისტრმა ჟან-ივ ლე დრიანმა განაცხადა.
„სრულიად არ არის საკმარისი ის განცხადებები, რომლებსაც ბოლო ორი-სამი დღეა თურქეთის პრეზიდენტი აკეთებს. ჩვენ რეალური ქმედებები გვჭირდება“ , - განაცხადა მინისტრმა.
მისივე თქმით, ამ ქმედებებს შორის, არსებობს საკმაოდ უბრალო მოქმედებები, რომელთა აღსრულება აუცილებელია ხმელთაშუა ზღვასა და ლიბიაში. ასევე არის უბრალო ქმედებები მთიან ყარაბაღთან დაკავშირებით.
„ჩვენ ბევრი უთანხმოება გვაქვს თურქეთთან“ , - განაცხადა ჟან-ივ ლე დრიანმა.
ცნობისთვის, თურქეთის პრეზიდენტმა რეჯეფ თაიფ ერდოღანმა კვირას, ევროკავშირს მოუწოდა, დაიცვას პირობები, მათ შორის თურქეთის სრულუფლებიან წევრობასთან დაკავშირებით თანამეგობრობაში.
v-if="article.gallery" v-html="article.gallery"
