ჯორჯ ბუშის ქუჩის, კახეთის გზატკეცილის განაპირა ზოლებისა და მონუმენტის - „ადამიანი და მზე“ მიმდებარედ არსებული თარგების რეაბილიტაცია დასრულდა

თბილისის მერიამ ჯორჯ ბუშის ქუჩის, კახეთის გზატკეცილის განაპირა ზოლებისა და მონუმენტის - „ადამიანი და მზე“ მიმდებარედ არსებული თარგების სრული რეაბილიტაცია დაასრულა.

დასრულებულ სამუშაოებს დედაქალაქის მერი კახა კალაძე გაეცნო.

“სამგორის რაიონში კიდევ ერთი კარგი პროექტი განხორციელდა. ალბათ, ყველამ იცით ეს ტერიტორია - აეროპორტის გადასახვევთან არსებული სკვერი, სადაც მონუმენტი „ადამიანი და მზე“ დგას. მონუმენტი, რომელიც ძალიან მძიმე მდგომარეობაში იყო, რეაბილიტირდა, განათდა, ტერიტორია გამწვანდა, დამონტაჟდა განათების სისტემები. დარჩენილია პატარა დეტალები, რომელიც რამდენიმე დღეში დასრულდება. ეს ის ადგილია, რომელსაც პირველად ხედავენ დედაქალაქში აღმოსავლეთ საქართველოდან, ასევე, აეროპორტიდან შემომსვლელი სტუმრები. ეს ტერიტორია იყო გაუბედურებული, დანგრეული. დღეს ეს ყველაფერი განახლებულია და ვიზუალური თვალსაზრისითაც ძალიან ლამაზი სივრცე შეიქმნა“, - განაცხადა კახა კალაძემ.

როგორც „ინტერპრესნიუსს“ თბილისის მერიიდან აცნობეს, ბუშის ქუჩის მიმდებარედ არსებულ ორივე თარგში, რომლის ფართობიც, დაახლოებით, 10 000 კვადრატული მეტრია, სარწყავი სისტემა მოეწყო, 4 713 კვ.მ ფართობზე დაითესა ბალახი და სხვადასხვა სახეობის 2 410 ძირი მწვანე ნარგავი დაირგო. პირველი თარგი მოეწყო ტერასულად, შეიქმნა მრგვალი კლუმბების კომპოზიციები. მათივე ცნობით, ამავე თარგში განახლებული დიზაინით, ბუშის ქუჩის აღმნიშვნელი ახალი საინფორმაციო ბანერი განთავსდა, ხოლო მეორე თარგი მთლიანად დახრილი გამწვანებული სიბრტყისგან შედგება.

კახეთის გზატკეცილზე ძირითადი აქცენტი დენდროლოგიურ ნაწილზე, სარწყავი სისტემის მოწყობასა და განათებაზე გაკეთდა. აღნიშნულ ტერიტორიაზე, 21 777 მწვანე ნარგავი დაირგო და 48 725 კვ.მ ფართობზე დაითესა ბალახი.

რაც შეეხება „ადამიანი და მზის“ მიმდებარე ტერიტორიას, მონუმენტთან არსებულ თარგში მოეწყო დეკორატიული აუზი, სარწყავი სისტემა და განათება. ასევე, განხორციელდა თარგის დატერასება ოვალური, ელიფსური ფორმებით. ორივე თარგში მოეწყო ლენტური განათებები და დამონტაჟდა გრუნტის პროჟექტორები. აღნიშნულ ტერიტორიაზე 425 ძირი სხვადასხვა სახეობის მწვანე ნარგავი დაირგო. ამასთან, ჰიდროთესვის პრინციპით, 24 300 კვ.მ ფართობზე დაითესა ბალახი.

თბილისის მერიის ცნობით, „ადამიანი და მზის“ მიმდებარედ არსებული თარგების რეაბილიტაციის პროექტზე დაახლოებით, ოთხი მლნ ლარი დაიხარჯა, ხოლო ჯორჯ ბუშის ქუჩისა და კახეთის გზატკეცილის რეაბილიტაციისთვის დედაქალაქის ბიუჯეტიდან რვა მილიონ ლარამდე გამოიყო.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!