კანარის კუნძულებთან მიგრანტების ნავის გადაბრუნების შედეგად სულ მცირე 4 ადამიანი დაიღუპა, - ამის შესახებ ინფორმაციას Reuters-ი ავრცელებს.
სააგენტოს ცნობით, ნავი, რომელშიც 35 მიგრანტი იმყოფებოდა, მაღრიბის რეგიონიდან კანარის კუნძულებისკენ მიემართებოდა.
მაშველებმა 4 მიგრანტის ცხედარი იპოვეს, 28 - გადაარჩინეს, დანარჩენს კი ამ დრომდე ეძებენ.
კანარის კუნძულებზე წელს 17 000-მდე მიგრანტი ჩავიდა, რაც გასული წლის მთლიან მონაცემთან შედარებით 10-ჯერ მეტია. ეს გამოწვეულია იმ ფაქტით, რომ ჩრდილოეთ აფრიკის მოსახლეობამ კორონავირუსის პანდემიის გამო ტურიზმიდან მიღებული შემოსავალი დაკარგა.
ესპანეთის მთავრობამ რამდენიმე დღის წინ განაცხადა, რომ ადგილობრივ ხელისუფლებას მიგრანტების თავშესაფრის უზრუნველყოფის მიზნით დახმარებას აღმოუჩენდა.
იხილეთ ვიდეო:კანარის კუნძულებთან მიგრანტების ნავის გადაბრუნების შედეგად 4 ადამიანი დაიღუპა