ნიკოლ ფაშინიანი - არ ვფიქრობ, რომ რუსი სამშვიდობოების მთიან ყარაბაღში ყოფნა ხუთწლიანი ვადით შემოიფარგლება

სომხეთის პრემიერ-მინისტრი ნიკოლ ფაშინიანი მიიჩნევს, რომ რუსი სამშვიდობოები მთიან ყარაბაღში ხუთ წელზე მეტი ხნის ვადით დარჩებიან. „ხუთი წლის განმავლობაში რეგიონში უსაფრთხოების და სტაბილურობის გარანტიების შექმნა უნდა მოესწროს, მაგრამ ვინაიდან ყარაბაღის კონფლიქტი გაჭიანურებულია, არ ვფიქრობ, რომ რუსი მშვიდობისმყოფელების რეგიონში ყოფნა ხუთწლიანი პერიოდით შემოიფარგლება“, – განაცხადა ფაშინიანმა რუსულ მედიასთან ინტერვიუში.

შეგახსენებთ, რუსეთის, აზერბაიჯანისა და სომხეთის ლიდერებს შორის გაფორმებული შეთანხმება მთიან ყარაბაღში კონფლიქტის დასრულების შესახებ, სხვა პირობებთან ერთად, რეგიონში რუსი სამშვიდობოების 5 წლის ვადით განთავსებასაც ითვალისწინებს. თუმცა, ხელშეკრულების თანახმად, მათი იქ ყოფნის ვადა ავტომატურად გახანგრძლივდება კიდევ 5 წლით, თუ არც ერთი მხარე არ მოითხოვს 6 თვით ადრე შეთანხმების ამ პუნქტის შეწყვეტას.

იხილეთ ვიდეო:არ ვფიქრობ, რომ რუსი სამშვიდობოების მთიან ყარაბაღში ყოფნა ხუთწლიანი ვადით შემოიფარგლება - ნიკოლ ფაშინიანი

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს