გიორგი კანდელაკი - სანამ “ქართული ოცნება” იქნება ხელისუფლებაში, ოკუპაციის პრობლემა მხოლოდ გაღრმავდება

სანამ “ქართული ოცნება” იქნება საქართველოს სათავეში, ოკუპაციის პრობლემა მხოლოდ გაღრმავდება, რადგან საერთაშორისო დონეზე რუსეთს პრობლემა არ შეექმნება, - ამის შესახებ “ევროპული საქართველოს” წევრმა, გიორგი კანდელაკმა განაცხადა, რითაც რუსეთის ფედერაციასა და ოკუპირებულ აფხაზეთის რეგიონს შორის ერთიანი სოციალური და ეკონომიკური სივრცის ფორმირების შესახებ პროგრამის დამტკიცებას გამოეხმაურა.

კანდელაკის თქმით, ამ პრობლემის ერთადერთი წამალი არის ის, რომ აშშ-ს, ევროკავშირს და რუსეთს შორის ორმხრივ დღის წესრიგში საქართველოს დეოკუპაციის საკითხი მოხვდეს. როგორც გიორგი კანდელაკმა აღნიშნა, “ქართული ოცნების” მთავარი, გენერალური ხაზი არის რუსეთისთვის მაქსიმალური კონფორტის შექმნა საერთაშორისო ასპარეზზე.

„ ყოველ ჯერზე, როდესაც “ევროპული საქართველო” პარლამენტის რეზოლუციით ცდილობდა, რომ ამერიკის და ევროკავშირის სანქციებში მოხვედრილიყო ჩვენი დეოკუპაციის საკითხი ან დევნილთათვის წართმეული სახლების ამერიკული და ევროპული კომპანიების მიერ გაქირავების საკითხი, “ქართული ოცნება” ამბობდა, რომ ეს არის ღალატი და ნაგვის ურნაში ისროდა ამ რეზოლუციებს და ინიციატივებს. სანამ “ქართული ოცნება” იქნება საქართველოს სათავეში, ოკუპაციის პრობლემა მხოლოდ გაღრმავდება, რადგან საერთაშორისო დონეზე, მაღალ დონეზე, რუსეთს პრობლემა არ შეექმნება. “ქართული ოცნების” პოლიტიკური ხაზი, გენერალური ხაზი, სწორედ ეს არის, რომ რუსეთს ჰქონდეს მაქსიმალური კონფორტი საერთაშორისო ასპარეზზე”, - განაცხადა კანდელაკმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში