მედეა მეტრეველი - არჩევნების გაყალბებით დაკავებულმა ხელისუფლებამ გელათი დაივიწყა

არჩევნების გაყალბებისთვის სახელისუფლებო რესურსების უპრეცედენტო მობილიზებით დაკავებულმა ხელისუფლებამ სრულებით დაივიწყა გელათის გარშემო არსებული უკიდურესად მძიმე ვითარება, - ამის შესახებ "ლელოს" ერთ-ერთმა ლიდერმა მედეა მეტრეველმა განაცხადა.

დეა მეტრეველი მთავრობის მიერ დაგვიანებული რეაგირების, გულგრილობის, საჯაროობის ნაკლებობის, თანხების არამიზნობრივი ხარჯვაზეც საუბრობს.

"ამ ყველაფრის ფონზე, მსოფლიო კულტურული მემკვიდრეობის ძეგლები - გელათის მთავარი ტაძარი და წმ. გიორგის ტაძარი - განადგურების პირას მიიყვანა. შესაბამისი სამსახურების მიერ გაცემული იყო პირობა, რომ გელათის მთავარი ტაძარი, ზამთრის დასაწყისს, დროებითი გადახურვის დასრულებული კონსტრუქციით შეხვდებოდა. საქართველოს რეგიონალური განვითარებისა და ინფრასტრუქტურის სამინისტროს, მუნიციპალური განვითარების ფონდის და ძეგლთა დაცვის სააგენტოს მიერ გავრცელებული ინფორმაცია დროებითი გადახურვის კონსტრუქციის დასრულებასთან დაკავშირებით საზოგადეობის კიდევ ერთხელ შეცდომაში შეყვანის მცდელობაა. კლიმატის გაუარესების და ნალექის მომატების ფონზე, გელათი ზამთარს მაინც დაუცველი ხვდება. კვლავინდებულად ლურჯი "ტენტით" არის გადახურული ტაძრის დასავლეთის მკლავის ნაწილი, რაც ქვის და ფერწერის დაზიანების პროცესს შეუქცევადს ხდის. ტაძრის შიგნით უფუნქციოდ არის დარჩენილი ხარაჩოები და შიდა სარესტავრაციო სამუშაოები ჯერ კიდევ არ დაწყებულა", - აცხადებს მედეა მეტრეველი.

მისივე თქმით, პროფესიული ჯგუფების და ფართო საზოგადოების მოთხოვნების პარალელურად, „ლელომაც" არაერთხელ მოუწოდა საქართველოს მთავრობას, საქართველოს განათლებისა და კულტურის სამინისტროს დროულად გადაედგათ ქმედითი ნაბიჯები, აეღოთ სრული პასუხისმგებლობა და მართვის სადავეები ქართული კულტურის უმნიშვნელოვანესი ძეგლის გადასარჩენად.

"კვლავინდებურად მოვუწოდებთ ხელისუფლებას, აიღოს სრული პასუხისმგებლობა ტაძრების დროებითი გადახურვის და სარეაბილიტაციო სამუშაოებზე, გაითვალისწინოს „ფერწერის საბჭოს" წევრების რეკომენდაციები, ,,ICOMOS საქართველო"-ს მიერ 2020 წლის 12 ოქტომბრის შეფასება სარეაბილიტაციო სამუშაოებთან დაკავშირებით და, საზოგადოების მაღალი ინტერესიდან გამომდინარე, გაასაჯაროვოს: გელათის ღვთისმშობლისა და წმ. გიორგის ტაძრების რესტავრაცია-კონსერვაციის სრული პროექტი, სააგენტოს 2017-2019 წლის ანგარიშები, 2017-2020 წლების სააგენტოს მონიტორინგის და ჩატარებული სამუშაოების ანგარიშები, წმ. გიორგის ტაძრების დროებითი გადახურვების სრული პროექტი, ფერწერის საბჭოს შეფასებები და კომენტარები სარეაბილიტაციო სამუშაოებთან დაკავშირებით", - აღნიშნა მეტრეველმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა