ბათუმის რესპუბლიკურ საავადმყოფოში კორონავირუსით ინფიცირებული 47 პაციენტი რეანიმაციულ განყოფილებაში მკურნალობს

ბათუმის რესპუბლიკურ საავადმყოფოში კორონავირუსით ინფიცირებული 174 პაციენტიდან, 47 რეანიმაციულ განყოფილებაში იმყოფება , - ამის შესახებ კლინიკის ექიმმა გია კიკაბიძემ განაცხადა.

მისი ინფორმაციით, 11 პაციენტის ჯანმრთელობის მდგომარეობა კრიტიკულად მძიმედ ფასდება, ისინი მართვით სუნთქვაზე იმყოფებიან.

"33 პაციენტი „სიპაპ“ რეჟიმში ჟანგბადს ღებულობს, მათი მდგომარეობაც მძიმედ ითვლება. ხოლო განყოფილებაში მყოფი პაციენტების ჯანმრთელობის მდგომარეობა სტაბილურია, კლინიკიდან 20 პაციენტის გაწერა იგეგმება. სამწუხაროდ, გასული 24 საათის განმავლობაში 6 პაციენტი გარდაიცვალა, მათი ასაკი 50-დან 70-მდეა. აღნიშნული პაციენტების მდგომარეობა კლინიკაში შემოყვანისთანავე მძიმედ ფასდებოდა, სუნთქვის მწვავე უკმარისობის გამო მართვით სუნთქვაზე იყვნენ გადაყვანილი და მკურნალობას რეანიმაციულ განყოფილებაში აგრძელებდნენ", - განაცხადა გია კიკაბიძემ

ცნობისთვის, გასული 24 საათის განმავლობაში აჭარაში 497 პაციენტი გამოჯანმრთელდა, ხოლო ახალი შემთხვევა 219 გამოვლინდა. აჭარის კლინიკებიდან 95 პაციენტი გაეწერა.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან